Banntɔɔ 2:16 - Yennu Gbouŋ Mɔɔr

¹⁶ Sɔɔ ki tian yandamm po, ki sɔɔ mun bia ki tian jatit po. Daar baate ki bi tan saa tamm ti kura po. Ti kura saa kpo nnae, li yandamm nan jatit kurawa.

Banntɔɔ 2:16 Iomraidhean Croise

2 Samuel 3:33

Defid din yin Abner kuun ninbayaŋ na a: “Bee teen Abner tan kpo nan bonliiŋ na?

Yaŋ 103:16

ŋaan wouŋu da yoo nba, lin pebirir, ki sɔɔ ji kan lari.

Yaŋ 49:10

Sɔɔ kur saa la nan yandamm kpenn, ki jatit kpenn, ki bonliinii bia kpenn. Bi kur tuu nyik bi mɔkinte ki tur siab.

Yaŋ 88:12

Bi laat a yaarlituk toona bunbɔnn niŋi-i? koo ki laat a toonŋana tiŋ nba ni ki bi tamm a po na ni-i?

Nyinu 1:6

Ki li din jii yoo ki Joosef nan u ninjamm nan binba tee u waakir na kur kpo,

Nyinu 1:8

Tɔn, jasɔɔ mun din dii naan, ŋaan tee wunba ki mi siar ki jiin Joosef po.

Barjokit 14:8

Bee ki subindaanɔ mɔk yanfoomi? Kimaan u mi linba ŋan nan tumu. Bee ki nirɔ nba tee bonliiŋ mɔk liinsimi? Kimaan u dukii nan u mi bont kure, ŋaan ki ki mi-i.

Banntɔɔ 1:11

Sɔɔ ji ki tian linba tun sianyoowa, ki sɔɔ tan sii kaa yoo nba waa na ki tiar linba tuun mɔtana ki saa tuu li yoo.

Banntɔɔ 2:14

Yandamm fit laat baa saa siaminba po, jatit ŋarin ki laat.” Ŋaan n mi nan ti joontu tan sii tee yomme.

Banntɔɔ 2:15

Ki n dukin ki tur n mɔŋ a, “Linba saa teen jatit, li mun bia saa teenima. Ki n ji la nyɔlante n subinii ni?” Ki n jiin ki tur n mɔŋ a, “N kan la siar nan bonmintika.”

Banntɔɔ 6:8

Yandaanɔ mantik gar jatuk nlee? Li sommit nandaanɔ nlee, li-i tee ki u mi waa saa took binbeŋ biaŋinba?

Banntɔɔ 7:2

Li ŋan ki fan saan siaminba ki bi mɔ kpemɔnii ki chee fan saan siaminba ki bi di jaamm, li ŋan nisaarii n tuu tiar bi mɔŋ nan kuun guu ti kurawa.

Banntɔɔ 8:10

N la ki bi saan pii nibiit bi kaat ni, ŋaan baa nyii kaat paak ki ŋmat kun bi ŋei ni yoo nba, ki bi piak ki dont nibiit maŋ doo nba ni ki bi tun toonbiit maŋ. Li ki mɔk nyɔɔti.

Banntɔɔ 9:15

Jasɔɔ din kɔɔ leŋ ki tee nandaanɔ, ki mɔk yan ki tinn doo na, ŋaan ki sɔɔ ki tian u po.

Banntɔɔ 9:5

Binba fo mi nan bi tan saa kpowa, ŋaan kpeemm ŋarin ki mi siar. Bi ki mɔk siara paatii, bi tamm bi poe fas fas.

Malakai 3:16

Tɔn, niib nba tee yentinna na pak nan bi leeb, ki Yennu gbiint baa yet linba. Binba tee yentinna ki teenɔ baakir na kur, bi sɔb bi sana gbouŋ nie, Yennu tɔɔnn.

Hiibru teeb 9:27

Yennu senn a see ki nirɔ kur n kpo yomkɔɔ, ki li poorpo ki wun bu u buut.