Banntɔɔ 12:2 - Yennu Gbouŋ Mɔɔr

² Ŋanne tee yoo nba ki yonnu yentu nan ŋmaarik yentu nan ŋmaabira na yentu tan sii bɔn ki tura, ki a boor li tan sii bɔn nan sayuŋ nae yoo kur.

Banntɔɔ 12:2 Iomraidhean Croise

Pinpiik 27:1

Aisak din kpet bonchiann ki ji tan jɔɔn. Dasiar ki Aisak tun yiin Esɔɔ ki tan yetɔ a, “N bija.” Ki u jiin a, “N gbia.”

Pinpiik 48:10

Jakɔb ninjiinii din baŋa, kimaan u kpetuk paak. U din ki fit laat fanu, ki Joosef baar nan waas na u boor. Ki u lorib ŋaan mɔɔt bi tankpina.

Yaŋ 42:7

Sutik yi sutik nan fuur, ki pir n paak nan nyunmɔnn na, ki tee nan nyunpana nba tuu lakitir na, ki pir piinin.

Yaŋ 71:20

A lek te daamii nan wahala baa n paak, ŋaan a saa ŋammin ki te min la laafiawa; a kan te ki man sik kaauk ni.

Yaŋ 77:16

Yennu, yoo nba ki nyun din la-a na, jaŋmaanii din soorɔwa, ki mɔkgbeŋa nba sumii na, ki li jekir.

Yaŋ 90:10

Ti manfoor tee bina piinlore-e, koo li-i tee ki ti mɔk paŋ, tin baar bina piinniin, ŋaan li kur na teent bakint nan ninbaatire; ti manfoor tuu gbenne yian, ki ti ji ki be.

Aisaya 13:10

Ŋmaabir kur nan ŋmaawob kur kan yenti, yonnu-i doo ŋaan u sii bɔne, ki ŋmaarik kan yent.

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Joel 3:15

Ki yonnu nan ŋmaarik saa bɔnn, ki ŋmaabira na ji kan yent.

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

1 Samuel 3:2

Dasiar nyiɔk ki Eli, wunba ki u ninjiinii din baŋ ki u ki nyɔɔn fanu na din dɔɔ u diiuk ni ki gɔɔnt,

1 Samuel 4:15

Eli din mɔk bina piinyia nan ŋanniime, ki u ninjiinii ji baŋ ki u ki nyɔɔn fanu.

1 Samuel 4:18

Yoo nba ki jɔɔ na taa Yennu mɔlor lakir sann na, ki Eli nyii kok paak ki baa yinyann, tammɔb na boor. U din gbeŋ ki bia kpet bonchiann, li paak, waa baa na ki u turu kɔnn, ki u kpo. U din tee Israel teeb tɔɔndaanɔ bina piinnae.