Banntɔɔ 12:1 - Yennu Gbouŋ Mɔɔr

¹ Li paak, ii tian a Naamii Daanɔ po, faa daa tee bik na, ki daa guu fan kpeta li yoo na ki a ji yet a, “N ki gbia binbeŋ manu.”

Banntɔɔ 12:1 Iomraidhean Croise

Pinpiik 39:2

Ki Yennu be nan Joosef, ki u laat nyannu, ki kɔɔ u chanbaa, Ijipt nirɔ na ŋaak.

Pinpiik 39:23

Dansarguurɔ na baka din kaa linba kur ki u pet Joosef na po, kimaan Yennu din be nan Joosef, ki te ki u laat nyannu toonn nba kur ki u tuun ni.

2 Samuel 19:35

N poŋ ji tee bina piinniime na, ki siar ki teenin manti. Mi-i dii ki bia nyuu linba kur, n ki bant li mant. Yanyinna na-i yiin, n bia kan gbat. N kpan sii tee jikir kɔɔe ki teen fin n yomdaanɔ kpanbar.

2 Samuel 19:36

N ki ŋan nan paatii. Li paak, n saa chiana ki gar Jɔɔdann mɔkir waaminnae,

1 Kpanbara 14:13

Ki Israel teeb kur saa mɔ u kpemɔnii, ki piiu, ŋɔɔ kɔɔe sii tee Jeroboam ŋaak ni nirɔ nba ki bi saa piiu fanu, kimaan u kɔɔe ki Israel teeb Yomdaanɔ Yennu par mei u paak.

1 Kpanbara 18:12

Li-i tee ki n yaat ŋaan ki Yennu Seek jiia ki saan nana siaminba ki sɔɔ ki mi, n saa teen nlee? Li-i teen nna, ki n pak Ahab nan a be, ŋaan ki bi loma ki tan ki la-a, u saa kpime. Tiat nan n tee wunba jiantir Yennu fanue, n bisin niwa.

Nehemaya 4:14

N din la nan niib na para biire; ki n yet ŋamm nan bi tɔɔndamm nan bi toontunna saakab a, “I daa tiin ti datai na jaŋmaanii. Tiat man Yennu nba tee Yenjaann, ki bia tuun bakitnauŋ toona biaŋinba, ki kɔn ki tur i doo teeb nan i waas nan i ŋaapoob nan i ŋei.”

JOB labaar 30:2

Bi tuu tee jakpera nba mantik baŋ, ki kan fit tun toonsiar ki turime.

Yaŋ 119:55

Yennu, n tian a poe nyiɔk, ki dukii a sennu na po.

Yaŋ 34:11

Ii saana, n yɔɔsnba, ki tan gbiint, ki n saa wanni ki yin baak Yennu.

Yaŋ 63:6

Ki mi-i dɔɔ n dɔɔnu paak, n sii tian a po; nyɔtunmunn n sii dukii a po,

Yaŋ 90:10

Ti manfoor tee bina piinlore-e, koo li-i tee ki ti mɔk paŋ, tin baar bina piinniin, ŋaan li kur na teent bakint nan ninbaatire; ti manfoor tuu gbenne yian, ki ti ji ki be.

Barjokit 22:6

Want waas baa sii be biaŋinba, ki bi-i kpaat ŋaan bi kan tammir.

Barjokit 8:17

N loon binba loonin nae; wunba lomin see ki u lan.

Banntɔɔ 11:10

Ii daa te ki siar biir i para, koo ki toni. I kii tun tee nipaauŋ kaa.

Banntɔɔ 11:2

Jiin a mɔkint ki tur niib banlore koo banniin, kimaan a ki mi yubɔnboorik nba saa baara tingbouŋ na ni.

Banntɔɔ 11:8

Bina nba ki a sii be manfoor ni na, ii di manu; faa lek saa wei biaŋinba, ŋaan ii tian nan a saa mantik wei kpeentiŋe. Linba kur saa baar, li ki mɔk nyɔɔti.

Aisaya 26:8

Ti waa a loomme, ki teen ti dindann a ni. A kuukɔɔe ki ti loon.

Fabinii 3:27

Li mantik ŋan ki tin tumii sukuru na booru, bisin niewa.

Daniel 1:17

Yennu din tur naasimm banna na gbouŋ bannu, nan yanfoon booru kur. U bia din tur Daniel yanfoon nba fit kpintir yirintu, nan damiit bunta.

Hosea 7:9

Ki bi ki bann nan bi lora nba ki bi mɔk nan digbanlia niib na warii bi paŋi. Bi per boontuwa, ŋaan ki mi.

Barŋanii nba ki LUK din sɔb nae na 1:15

U tan sii tee nijaanne Yennu tɔɔnn, ki bia tan kii nyu dabooru kur. U tan saa gbee nan Yennu Seyeeŋ u matuk yooewa.

Barŋanii nba ki LUK din sɔb nae na 18:16

Ŋaan ki Yiisa yiin waas maŋ a bii baat u boor na, ki yet u poorpoweiteeb na a “Ŋaant ki waas maŋ-ii baat n boor na man, ki daa tiammi, kimaan bi boorue yen Yennu naan.

Efesus teeb 6:4

Baanba, i daa dia i waas diabiiuk ki dont bi wutoa, ŋaan kii wantib kii kpaamm ti Yomdaanɔ nba loon biaŋinba.

Sennu 8:18

Ŋaan ii tiar nan i Yomdaanɔ Yennu-e teeni paŋ ki i mɔkitir. U tuun nna, kimaan u see fanu nan u mɔlor nba ki u din lor nan i yeejamm na.

2 Timoti 3:15

ki a bisin niwa, a poŋ mi Yennu gbouŋ nba fit teena yan, ki wanta faa saa teen Yiisa Masia yada ki tinn biaŋinba.

1 Samuel 1:28

Li paak, n jikit bik na ki teen Yennu. Waa sii be u manfoor ni ki wei biaŋinba, u sii tee Yennu yɔɔe.” Ki bi jiant Yennu leŋ.

1 Samuel 16:7

Ŋaan ki Yennu yet Samuel a, “A daa bikii jɔɔ na ŋant koo u fɔkinti. N ki gannɔ, kimaan n ki gani nan nisaarik na kaa. Nisaarik gorii gbanante, ŋaan min ŋarin gorii nisaarik par nie.”

1 Samuel 2:18

Li yoo maŋ ki Samuel ŋammit tuun Yennu toona, ki lia kasii liatjabik.

1 Samuel 2:26

Samuel din ŋammit ki kpaatir, ki mɔk binbenŋaŋ, ki li gboot Yennu nan nisaarii numm.