Daniel 9:6 - Yennu Gbouŋ Mɔɔr

⁶ Ti ki gbiint linba ki a toontunna nba tee a sɔkiniinba na pak a sann ni, ki tur ti kpanbara, nan ti doo diara, nan ti yeejamm, nan ti tiŋ niib kura na.

Daniel 9:6 Iomraidhean Croise

2 Kpanbara 18:12

Samaria doo din baa, kimaan Israel teeb na din ki sak bi Yomdaanɔ Yennu mɔb, ŋaan biir mɔlor nba ki u lor namm na, ki bia yêt sennii nba ki Yennu toontunnɔ Moses turib na. Bi din ki gbiint, ki bia ki sakiri.

2 Barkperii 33:10

Yennu lek din pak nan Manase nan u niib, ŋaan ki bi yêt bin gbiint.

Esra 9:7

Laa nyii ti yeejamm yoo ki tan tuu mɔtana, timm nba tee a niib na tun yanbɔmm bonchiann. Ti yanbɔmm na paak, ki timm nan ti kpanbara nan mannteeb na kɔɔ boorganu batnba nuu ni, ki bi kpiit, ki fatit ki soorit ki teent yommii. Ti mantik dii fei halii nan dinna.

Nehemaya 9:30

Binn n tuu binn, a teemm kpaanii nan sukuru. A te ki a sɔkiniinba pak, ŋaan a niib na tee tuukpaae, li paak ki a te ki digbanlia nyannib.

Nehemaya 9:32

“Yennu, ti Yennu, a mantik tee Yenjaanne. A tee jaŋmaansooruk nan yiikoo daanɔe. A dia a mɔlor nba ki a din senn na nan barmɔnii. Laa nyii yoo nba ki Asiria kpanbara din dintit biak na ki tan tuu mɔtana, ti mantik dii farawa. Ti kpanbara, nan ti tɔɔndamm, nan mannteeb, nan a sɔkiniinba, nan ti yeejamm, nan ti niib na kura dii biaka. Tiat taa mantik dii fara biaŋinba.

Nehemaya 9:34

Ti yeejamm, nan ti kpanbara, nan ti tɔɔndamm, nan mannteeb na din ki dia a sennu na. Bi din ki gbiint a sennii nan a kpaanii na.

Jeremaya 26:5

ki bia gbiint n toontunna nba tee sɔkiniinba ki n yɔɔ tuunib i boor na mɔmaan. I ki ban sak linba ki bi piak na.

Jeremaya 29:19

Linba na saa tun ki turib, kimaan bi ki sak mɔmaan nba ki n teen n toontunna nba tee sɔkiniinba, ki bi teemm yoo kur na. Bi yêt gbiintue.

Jeremaya 44:16

“Maan nba ki a piak teent Yennu sann ni na, ti kan gbiinti.

Jeremaya 7:13

I tun biit na kurewa, ki n piak nani yoo nan yoo, ŋaan ki i yêt gbiintu. N yiini, ki i ki tooni.

Jeremaya 7:24

Ŋaan bi din ki sak n mɔb, koo ki gbiint linba ki n pakib na. Bi din tun linba ki bi mɔyêtuk nan tubkangbatin wannibe; ki baa bo sii ŋan na, ki bi biir saa naagbaak.

Daniel 9:10

Ti ki sak gaar fin ti Yomdaanɔ Yennu sennii nba ki a tur a toontunna nba tee a sɔkiniinba a bin wannit na.

Daniel 9:9

A mɔk ninbatinu nan nyikinchab, nan taa lek tun ki biira nawa.

Matiu 23:37

“Nbaayoo-o, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor na tana, bikinu taar munŋaae ki n gbaa maa n lakini yomm nan korik nba tuu lakin u waas u kpinkpant ni na, ki i ki saki.

Toona 13:27

Niib nba be Jerusalem, nan bi yudamm na, din ki mi nan nirɔ nba nae tee Yennu Niganntɔɔ, ki bia ki bann Yennu sɔkiniinba maan nba ki bi tuu karin foon daar kur na paaki; ŋaan baa din pak biirɔ na, bi din gbeen Yennu sɔkiniinba maan maŋa.