Daniel 9:16 - Yennu Gbouŋ Mɔɔr

¹⁶ Yennu, faa tuun kasii toona na, paatir a wutochiɔŋ na Jerusalem nba tee a doo nan a kasii kunkonn na paak. Ti yanbɔmm nan ti yeejamm biit na te niib nba kɔɔ kpiat na yi Jerusalem nan timm nba tee a niib na yann.

Daniel 9:16 Iomraidhean Croise

Nehemaya 9:8

A din la nan u tee nimɔnɔe, ki a lor nanɔ, ki senn mɔsonn nan a saa turɔ Keenann teeb, nan Hef teeb, nan Amor teeb, nan Peris teeb, nan Jebus teeb, nan Girgas teeb tinii, ki lii tee tiŋ nba ki u yaaboona sii kɔɔ. A dia a mɔsona, kimaan a tee barmɔnpakirɔe.

Yaŋ 143:1

Yennu, gbatir n miaru. A popeensin ni, a gbiint n fabinii. Turimin gatu a mamɔmm paak.

Yaŋ 31:1

Yennu, n baar a boor ki loon sommire, a daa te ki sɔɔ nyantin. Nyintin, kimaan a tee kasii daanɔe. N meia, fatirin.

Yaŋ 41:13

Pakin ki dont Israel teeb Yomdaanɔ Yennu man. Pakin ki dontɔ mɔtana nan yoo nba kaa paak. Mamɔmm, lii tee nna.

Yaŋ 71:2

Kimaan faa tee popeendaanɔ na, a sommin ki bia fatin. Gbiintirin ki tinnin.

Yaŋ 79:4

Digbana nba kpiat na sukiite ki bia laat, ki sarikitit.

Yaŋ 85:4

Yennu, fine tee ti tinntɔɔ, jenin nant, ki nyik, ki daa dont wutoor nanti.

Yaŋ 89:51

Yennu, a dataie sukii a kpanbar ganntɔɔ na. Siaminba kur ki u saa, ki bi waa sukiiɔ.

Nyinu 20:5

Daa gbaa patsiar boor koo ki jiantirɔ, kimaan mine tee i Yomdaanɔ Yennu, ki ki saak mii mɔk lɔɔ. N daar binba namin na tuba, nan bi waas tuba, ki saa tuu bi yaaboontaa koo bi yaaboona ŋanna ni,

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Jeremaya 24:9

N saa baar nan biak nba paar bonchiann bi paak, ki jaŋmaanii saa soor tingbouŋ na niib kur. Niib saa laab, ki jiib teen jinjeruk, ki sarikitib, ki jii bi sann ki teen mɔpor siaminba kur ki n yatib ki saan namm.

Jeremaya 29:18

N saa weib nan tɔbo nan kon nan yiarii, ki digbana kur saa jek nan linba ki bi la. Mi-i lub siaminba kur, leŋ niib yan saa put, ki bi gbanii n jek, kimaan linba tun turib na paak. Niib saa laab, ki jii bi sann ki poor mɔpora.

Jeremaya 32:31

Doo na teeb donn n wutoor ki biir n par, li piinu niewa. N lor man biirire,

Jeremaya 32:32

kimaan Jerusalem nan Juda teeb, nan bi kpanbara nan bi tɔɔndamm, nan mannteeb nan sɔkiniinba biit paak.

Esekiel 22:4

Toonbiit nan pata mannu nae kɔɔni biit ni, ki li te ki n kan fit gaari. Li paak, i tubdatu nba saa joont na pera. Digbanlia saa laai, ki sii piak sukii-i.

Esekiel 5:14

Ki binba kur nyi digbana nba kpia-i na ki gar i boor sii laai, ki saa fɔkit nani.

Daniel 11:45

U lek saa chaan u naan lanbonjaana na mɔkgbeŋir nan kunkonn nba Yennu ŋasaakak be li paak na sinsuuk ni, ŋaan u lek tan saa kpoe, ki sɔɔ kii be u boor ki sommɔ.”

Daniel 9:20

Ki n ŋamii mei Yennu, ki kat n yanbɔmm, nan n niib Israel teeb yanbɔmm, ki boi n Yomdaanɔ Yennu, a wun ŋamm maa u kasii jiantu ŋasaakak na.

Joel 3:17

“Tɔn, Israel teeb, i ji saa bann nan mine tee i Yomdaanɔ Yennu. N kɔɔ Sayɔnn-e, n kasii kunkonn na paak. Jerusalem sii tee kasii dooe; ki boorganu ji kan ban kɔn ki nyanniri.

Sekaria 8:3

N saa ŋmat Jerusalem nba tee n kasii doo na nie, kii be leŋ. Ki li ji sii yi mamɔmm doo, ki min Yabint Yennu kunkonn na ji sii yi kasii kunkonn.

2 Tesalonika teeb 1:6

Yennu-e tuun linba took; u saa te ki binba dinti fara maŋ n mun di fara nnae,

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia ŋammit ti para ki nyint biit kur, kimaan u tee barmɔnii daanɔe ki bia tee popeendaanɔ.

1 Samuel 2:7

U te ki siab namii, ki siab mun mɔkitir. U sikint siab, ŋaan tee siab nijaana.