Daniel 8:9 - Yennu Gbouŋ Mɔɔr

⁹ Yina ŋanna na ni, ki yinleer put yenn paak, ki piin tee bonbik, ki u paŋ tan yabit, ki saa tuu niigaŋ po nan yondo po nan tinŋaŋ na po.

Daniel 8:9 Iomraidhean Croise

Yaŋ 105:24

Yennu din jii matik bonchiann ki tur u nigannkab, ki te ki bi mɔk paŋ ki gar bi datai,

Yaŋ 48:2

Sayɔnn tee Yennu kunkonne, li fɔk ki bia ŋan; kpanbar jaann nba tee Yennu na, u dooe tee durinya kur parpeenn boor.

Jeremaya 3:19

Ki Yennu yet a, “Israel digbann, n loon man gaara nan n bija nae, ki tura durinya na ni tiŋ nba ŋan bonchiann. N loon fan yiinin baae, ki ji daa ŋmantir poor ki teenin.

Esekiel 20:15

Ŋaan n bet Israel teeb na, kunkoouk na paak, nan n kan tɔk saan namm tinkpiasir nba ki n senn mɔsonn nan n saa turib na ni.

Esekiel 20:6

N por nan n saa fatib ki nyinnib Ijipt tiŋ ni, ki saan namm tiŋ nba ki n gann maa n turib na ni. Tiŋ na din ŋan, ki mɔk siat nan naabiin, ki tee tinkpiasir ki gar tinii kur.

Daniel 11:16

Ki Siria kpanbar maŋ saa teemm waa loon biaŋinba, ki sɔɔ kaa ki saa gɔɔrɔ. U saa set kasii tiŋ na ni, ki li kur sii be u yiikoo ni.

Daniel 11:21

Ki wunba bo piak nanin na ŋamm yet a, “Siria kpanbar nba saa di ki wei poor na, u sii tee jatouŋo, ki li bo kii tee ŋɔɔ kaa saa di naan na, ŋaan u saa dɔkite yiama nan kpinkpannii ki gaar naan maŋ.

Daniel 7:8

Maa gorii yina na yoo nbae, ki n la yinbik, ki li put leeb na sinsuuk ni, ki do, ki yinbik maŋ gbiat yina ŋantaa, yina piik na ni, ki bia mɔk ninbina ki li tee nan nisaarik yar na, ki mɔk mɔb ki piak karinbaanmaan.

Sekaria 7:14

N din jiibe nan wonpaaruk na, ki saan namm digbangana ni. Tinŋaŋ na ji din biare ki dɔɔ yann, ki sɔɔ kaa leŋi.”