Daniel 7:14 - Yennu Gbouŋ Mɔɔr

¹⁴ Ki u turɔ yiikoo nan baakir nan naan paŋ, a lin te digbana kur nan nibooru nan mabooru kur niib n sak u mɔb. Ki u yiikoo sii be nan yoo nba kaa paak, ki u naan kan ban gbenni.

Daniel 7:14 Iomraidhean Croise

Yaŋ 102:22

yoo nba ki digbana niib nan yent nba ni niib saa taan leeb ki jiantɔ na.

Yaŋ 103:19

Yennu bir u naangbouŋ yendɔuŋ nie; ŋɔɔe tee niib kura kpanbar.

Yaŋ 145:13

A naan kaa gbennu, ki a sii yɔɔ dia a niib. Yennu see u mɔsona paake, ki mɔk ninbatinu u toona kur ni.

Yaŋ 146:10

Yennu-e tee kpanbar yoo kur. Sayɔnn doo, a Yennu nae sii yɔɔ dia-a yaayoo nan yaayoo. Pakin Yennu man.

Yaŋ 45:6

Naangbouŋ nba ki Yennu tura na saa wei mɔkmɔk nan mɔkmɔk. Ki a saa dia a niib nan barmɔnii.

Yaŋ 72:11

ki kpanbara kur saa gbaan u tɔɔnn, ki digbana kur saa jiantɔ.

Yaŋ 72:17

ki daa te bi tammit kpanbar na sann po; ki te ki u sann n wei nan yonnu na; ki digbana kur n boi Yennu ki wun teen piisin bi paak nan waa teen kpanbar na paak biaŋinba na.

Yaŋ 8:6

Fine gannɔ a wuu gorii tingbouŋ na ni bonfoa nba ki a nan kur, ki teenɔ bonnaŋir kur yudaanɔ.

Aisaya 16:5

ki Defid yaaboona na yenɔ tan sii tee kpanbar, ki saa dia niib na nan binbenŋaŋ nan lomm. U sii kakii ŋant tumu paak, ki saa te ki barmɔnii piak.)

Aisaya 60:12

Ŋaan n saa biir digbana nba ki jiantira nae peb.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Daniel 2:35

Li yoo na, ki kut nan nɔɔnn nan kutmɔnt nan salimpeena nan salimmɔna na yeer burii burii, ki li naan nan piar jarik ni tangbiruŋ na. Ki wouŋ pebir li kur ki yaat nann, ki ki tenn nan siara. Ŋaan ki tann na ji yabit ki tee jɔjaann, ki piin tingbouŋ na kur po.

Daniel 2:37

Chanbaa, fine tee kpanbarjaann ki gar kpanbara kur. Yennu nba be Yendɔuŋ ni nae teena kpanbar, ki tura paŋ nan yiikoo nan baakir.

Daniel 2:44

Naangbouŋ maŋ diara yoo, Yennu nba be Yendɔuŋ ni saa kaan naangbouŋ siar, ki li sii be nan yoo nba kaa paak. Sɔɔ kan ban nyannir, ŋaan li saa boont naangbounlia na kurawa, ki li sii be mɔkmɔk nan mɔkmɔk.

Daniel 3:4

ki lanwokir faarɔ tant kunkɔpaarir ki mɔɔnt a, “Baa yaa i tun linbae na, yimm digbana kur niib, nan nibooru kur nan mabooru kur niib:

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Daniel 7:18

Ki Yabint Yennu niib na saa gaar tingbouŋ na yent, ki diar mɔkmɔk nan mɔkmɔk.”

Daniel 7:27

Ki bi saa jii tingbouŋ na digbana kur paŋ nan li yabint ki tur Yabint Yennu niib, ki bi naan paŋ kan ban gbenn. Ki tingbouŋ na diara kur sii jiantirib, ki saak bi mɔi.”

Obadia 1:21

Ki nyannu damm nba be Jerusalem na saa nyann Edom tiŋ, kii diab. Ki Yennu mɔŋ sii tee bi kpanbar.”

Maika 4:7

Bi tee wabiie ki fɔk nan bi doo, ŋaan n saa ŋamm binbenpaaŋe ki tur binba biar na, ki bi sii tee digbanjaann. Ki n sii diab yoo maŋ Sayɔnn kunkonn paak, nan yoo nba kaa gbennu.”

Matiu 11:27

“Tɔn, n Baa Yennu-e wannin barii na kura; ki sɔɔ ki mi maa tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 28:18

Ŋanne ki u chat nakimm, ŋaan yet a “Yennu turin sanpaak nan tiŋ yent kurawa.

Barŋanii nba ki LUK din sɔb nae na 1:33

ki u sii tee Jakɔb yaaboona ni kpanbar mɔkmɔk nan mɔkmɔk, ki u naan bia kan mi gbenni.”

Barŋanii nba ki LUK din sɔb nae na 10:22

Ki Yiisa ŋamm yet a “N Baa Yennu-e wannin barii na kura; ki sɔɔ ki mi maa tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 12:34

Ki nibur na yetɔ a, “Yennu gbouŋ wantit a u niganntɔɔ Masia na sii mɔk manfoor nba kaa gbennue. Bee ki a yet a bi saa jii Nisaarik Bik na ki donnɔ? Ŋmee tee Nisaarik Bik maŋi?”

Jɔɔnn 3:35

Yennu loon u Bija, ki kubin bona kur u nuu ni.

Hiibru teeb 12:28

Li paak, taa gaar naan nba kan mi ki nik na paak, ii ŋaan ki tii teen Yennu niipoouk man, ki jiantɔ nan baakir nan jaŋmaanii ki u numm n gboo,

1 Piita 3:22

U saan Yendɔuŋ nie ki be Yennu niidiitu po, ki malakanba nan sanpaapo yentdamm kur saak u mɔb.

Fiitu 1:6

ki te ki ti tee u naan ni niib nba tee mannteeb, a tin tun u Baa Yennu toonn; ŋɔɔe yen paku nan paŋ mɔkmɔk nan mɔkmɔk. Mamɔmm.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 17:14

ki bi tan saa kɔn nan Pegann na, ki Pegann na saa nyannib, kimaan u tee yomdamm kur Yomdaanɔ, nan kpanbara kur Kpanbare, ki u poorpoweiteeb mun tee binba ki u yiinib ki gannib, ki bi bia tee nimɔmm.

Fiitu 3:21

Wunba nyann nyannu na, n saa turɔ yaak ki wun tan lakin kar nanin, n naangbouŋ na paak, nan maa nyann nyannu kur ki lakin kar nan n Baa Yennu, u naangbouŋ paak biaŋinba na.