Daniel 4:34 - Yennu Gbouŋ Mɔɔr

³⁴ Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Daniel 4:34 Iomraidhean Croise

2 Samuel 22:31

Yennu ŋarin, u sɔnu ŋane, ki u mɔmaan tee barmɔnii, u tee nan naagbankɔŋir nae ki tur binba kpaanɔ sommir po.

1 Barkperii 29:10

Niib na kur tɔɔnne ki kpanbar Defid din pak Yennu, ki yet a, “Yennu nba tee ti yeeja Jakɔb Yomdaanɔ na, dontir tee a yare mɔkmɔk nan mɔkmɔk.

1 Barkperii 29:13

Mɔtana, Yennu, ti teena niipoouk, ki dontir a sann nba tee baakir na.

JOB labaar 1:21

ki yet a, “Bi din marin yanne, n bia tan saa kpo yanne. Yennu-e din turin, ki mɔtana u jii yaat nann na. Yennu sann n la dontir.”

Yaŋ 10:16

Yennu-e sii tun tee kpanbar, binba jiantir tingbana na saa bot u tiŋ ni.

Yaŋ 102:24

Li paak ki n yet a, “Yennu, a daa jikitin ki saa nanin mɔtana, maa daa ki kpet na.” Yennu, a yɔɔ be-e.

Yaŋ 107:15

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:22

Bin jii maruŋ ki turɔ niipoouk nan yanii nba tee parpeenn yanii, ki lin wann waa tun linba kur.

Yaŋ 107:31

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:8

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 111:7

U ŋane toona nba kur ki u tuun ni, ki dia mamɔmm, ki u sennii tee senn chinchiba.

Yaŋ 121:1

N got jɔjaana paak; n sommir saa nyi lee ki baari?

Yaŋ 123:1

Yennu, n gorii fine, n goriia yendɔuŋ ni, siaminba ki a naangbouŋ be na.

Yaŋ 145:13

A naan kaa gbennu, ki a sii yɔɔ dia a niib. Yennu see u mɔsona paake, ki mɔk ninbatinu u toona kur ni.

Yaŋ 146:10

Yennu-e tee kpanbar yoo kur. Sayɔnn doo, a Yennu nae sii yɔɔ dia-a yaayoo nan yaayoo. Pakin Yennu man.

Yaŋ 50:14

Ii ŋaan ki i niipoturu-ii tee i maruŋ ki teen min Yennu, ki bia tuu tur min Yabint Daanɔ linba kur ki i senn mɔsonn.

Yaŋ 66:7

Yennu-e dia durinya nan u paŋ, ki u ninbina gorii digbana kura, Mɔyêtdamm daa fi ki tookitɔ.

Yaŋ 7:17

N teen Yennu niipoouk, u ŋamm paak. N yiin yaŋ ki dont Yennu, wunba tee Yabint Daanɔ na.

Yaŋ 9:2

N Yabint Yennu, n sii yiin nan parpeenne kimaan a paak, n sii yiine ki dontira.

Yaŋ 92:1

Yennu, li ŋan ki tin tura niipoouk bonchiann. Yabint Yennu, li ŋan ki tin yin yaŋ ki tura baakir,

Aisaya 13:11

Yennu yet a, “N saa baar nan biiru tingbouŋ na paak, ki dat yanbɔndamm kur tuba, bi biit paak. N saa sikin wunba kur want u mɔŋ, ki dat garuk damm nan tondamm na tuba.

Aisaya 2:11

Yoo baat ki nisaarik parbifaant saa gbenn, ki nisaarik garuk n biir. Tɔn, Yennu kɔɔe ji saa la baakir.

Aisaya 24:15

ki binba be yondo po na saa dont u sann. Niib nba kar kpia mɔkgbeŋir na saa dont Israel teeb Yomdaanɔ Yennu maŋ.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Fabinii 3:38

Bonŋann nan bonbiir kur tuun nan waa senn biaŋinba nae.

Daniel 12:7

Ki jɔɔ maŋ donn u nii sanpaapo, ki n gbat ki u sent mɔsonjaann Yennu nba yɔɔ be na sann ni, ki yet a, “Li saa jii bina ŋantaa nan bonjinne. Yennu niib biak dinu tan sii gbent na ki linba na kur tuma.”

Daniel 2:44

Naangbouŋ maŋ diara yoo, Yennu nba be Yendɔuŋ ni saa kaan naangbouŋ siar, ki li sii be nan yoo nba kaa paak. Sɔɔ kan ban nyannir, ŋaan li saa boont naangbounlia na kurawa, ki li sii be mɔkmɔk nan mɔkmɔk.

Daniel 4:2

Li tee n par lomme nan man wanni bakitnauŋ nan yaarlituk toona nba ki Yabint Yennu tun turin.

Daniel 4:26

Malaka na yet nan tiik na nyakir nan li jiina n biar tiŋ ni. Li paak tee, a saa ŋamm dia a naan, yoo nba ki a sak nan Yennu-e yen durinya kur na.

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Daniel 4:32

Bi saa ber nyinna niib binbeboor. Ki a sii be nan muuk ni bonkobit, ki ŋman mɔɔt nan naab na bina ŋanlore. Ki a ji saa bann nan Yabint Yennu mɔk yiikoo nisaarii naan paak, ki u fit jikitir ki teen wunba kur ki u gann.”

Daniel 4:36

“Tɔn, n yan nba jen yoo nbae, ki n baakir nan naan dontir ŋmat jen n paak. Ki n saakab nan nijaana gaarin ki jiin n naan yiikoo ki turin, ki li mɔk baakir ki gar sinsinn yar na.

Daniel 5:18

“Yabint Yennu-e teen a baa Nebukanesar batgbeŋir, ki turɔ sann nan baakir nan mɔkint nba yab.

Daniel 5:21

Bi din ber nyinnɔ niib binbeboor, ki u yan ji tee nan bonkobit yar na, ki u din be nan bɔnii, ki ŋman mɔɔt nan naajak na, ki lin dɔɔ yeenin ni, ki siar kaa ki dɔɔkɔ ki marin kan fit baa u paaki. Li poor poe ki u tan bann nan Yabint Yennu-e yen nisaarii naan yent kur, ki fit jikitir ki teen wunba kur ki u gann.

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Daniel 7:14

Ki u turɔ yiikoo nan baakir nan naan paŋ, a lin te digbana kur nan nibooru nan mabooru kur niib n sak u mɔb. Ki u yiikoo sii be nan yoo nba kaa paak, ki u naan kan ban gbenni.

Daniel 7:27

Ki bi saa jii tingbouŋ na digbana kur paŋ nan li yabint ki tur Yabint Yennu niib, ki bi naan paŋ kan ban gbenn. Ki tingbouŋ na diara kur sii jiantirib, ki saak bi mɔi.”

Daniel 9:14

Fin ti Yomdaanɔ Yennu ki taantir nan fan te biiru n baariti, kimaan a tuun linba ŋane yoo kur, ŋaan ti lek ki sak a mɔb.

Jona 1:14

Bi ji din tan yikin ki yi Yennu-e a, “Yennu, ti meia ki a daa daar ti tuba ki kpit, ti-i nyinn jɔɔ na manfoori. Yennu, fine te ki linba na kur tuun.”

Maika 4:7

Bi tee wabiie ki fɔk nan bi doo, ŋaan n saa ŋamm binbenpaaŋe ki tur binba biar na, ki bi sii tee digbanjaann. Ki n sii diab yoo maŋ Sayɔnn kunkonn paak, nan yoo nba kaa gbennu.”

Barŋanii nba ki LUK din sɔb nae na 1:33

ki u sii tee Jakɔb yaaboona ni kpanbar mɔkmɔk nan mɔkmɔk, ki u naan bia kan mi gbenni.”

Barŋanii nba ki LUK din sɔb nae na 18:13

Ki lampogaartɔɔ na ŋarin set dannuwa, ki ki loon wun yaat got sanpaapo, ŋaan pak yur ki yet a ‘Yennu, tinimin ninbaauk, kimaan n tee biitdaanɔe.’ ”

Jɔɔnn 5:26

N Baa nba yen manfoor ki teen niib na, nnae mun ki u te ki min u Bija mun yen manfoor ki teen niib,

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.

1 Timoti 6:16

ŋɔɔ kuukɔɔe kan kpo; u be yentchiɔŋ nba ki nirɔ kan fit nakin na ni; ŋɔɔe ki sɔɔ daa ki mi lau koo ki saa fit lau; ŋɔɔe yen paku nan paŋ yoo nba kaa gbennu. Mamɔmm.

Fiitu 10:6

ki por nan Yennu nba yɔɔ be mɔkmɔk nan mɔkmɔk na, wunba din nan sanpaak nan tingbouŋ nan mɔkgbeŋa nan bona nba kur be li ni na, ki yet a li ji kan yukiri;

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 4:10

li yooe ki saakab piinlee nan banna na tuu baa fabin wunba kar naangbouŋ maŋ paak na tɔɔnn, ki pukii ŋɔɔ nba be mɔkmɔk nan mɔkmɔk na. Bi bia tuu yit bi fokirii nae ki bir naangbouŋ na tɔɔnn ŋaan yeen a,

Fiitu 4:9

Bonfoa banna na-i taŋi teen wunba kar naangbouŋ na paak ki be mɔkmɔk nan mɔkmɔk na niipoouk nan dontir nan paku,