Daniel 2:10 - Yennu Gbouŋ Mɔɔr

¹⁰ Ki ninnyɔdamm na jiin kpanbar na a, “Sɔɔ kaa tingbouŋ na ni ki saa fit wann fin kpanbar faa loon linba na. Kpanbarsɔɔ kaa, li kpanbar jaana nan kpanbar gbeŋa nba be, bi sɔɔ daa ki ban boi jabaabuura nan nyɔkdamm nan ninnyɔdamm maboorik na.

Daniel 2:10 Iomraidhean Croise

Aisaya 47:13

Faa lek la kpaanii nba na kur, ŋaan a ki mɔk yiikoo. Ŋaant ki a ninnyɔdamm na n nyi paanu ki tinna. Binba chakin ŋmaabira ki tuu bikin ki bɔkit sanpaak, ki wanta ŋmaarik kur ni linba saa tun.

Daniel 2:2

ŋanne ki u tun yiin u yandamm nan jabaabuura nan nyɔkdamm nan ninnyɔdamm nan bannteeb, a bin baar ki wannɔ damiit na paak. Baa baar ki set kpanbar maŋ boor yoo nba,

Daniel 2:27

Ki Daniel jiin a, “Chanbaa, nyɔkdaanɔ koo ninnyɔdaanɔ koo jabaabuurɔ koo banntɔsɔɔ kaa ki saa fit wanna damiit na paaki,

Daniel 3:8

Yoo nba na ki Babilonn tesiab pak biir Juu teeb,

Daniel 4:7

Tɔn, ki ninnyɔdamm nan nyɔkdamm nan jabaabuura nan bannteeb kur baar n boor, ki n betib damiit na, ŋaan ki bi ki fit wannin damiit na paaki.