Daniel 10:12 - Yennu Gbouŋ Mɔɔr

¹² Ki u ŋamm yet a, “Daniel, a daa tiin jaŋmaanii. Yennu gbat a miaru, daar nba ni ki a dukin ki sikin a mɔŋ ŋɔɔ Yennu boor a fan fit la yanfoon naewa. N baar a miaru maŋ poe.

Daniel 10:12 Iomraidhean Croise

Yaŋ 69:10

Ki n sikin n mɔŋ ki lor mɔb, ki niib sukiin;

Aisaya 35:4

Pakin wunba kur ki mɔk tama a, “Ii mɔk paŋ ki daa tiin jaŋmaanii, Yennu baate a wun tinna, u baate a wun dat a datai tuba.”

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 58:9

Yi-i mein yoo nba, n saa turi gatu. Yi-i yiinin yoo nba, n saa toon. “Li-i tee ki i nyik niib biak dinu, ki nyik mapipaat nan mɔbonbiit kur,

Aisaya 65:24

Bi tuu tan sii mein ki gbent na, ki n turib gatuwa.

Daniel 10:11

Ki u yetin a, “Daniel, a daa tiin jaŋmaanii. Yennu loona. Fiit set, ki gbiint maan nba ki n yaa man beta na fanu. Yennu-e tumin a boor.” Waa yet nna yoo nba ki n fiir set, ki bia daa jekir.

Daniel 10:19

Ki u yetin a, “Yennu loona. Li paak, a daa te siar daamiia koo ki jeentani.” Waa yet nna yoo nba ki n ŋamm la paŋ, ki yetɔ a, “Chanbaa, betirin faa yaa a wannin linba. A turin paŋa.”

Liifai teeb 16:29

Ii tuu kii tian man ki tun sennii nba na kur yoo nan yoo: Ŋmaarii ŋanlore ni, li dapiik daar, ki Israel teeb nan boorganii nba kɔɔ namm na n tuu lor mɔi, ki daa tuun toonn, daar maŋ ni.

Liifai teeb 16:31

Li daar sii tee kasii, ki tee foon daar, ki tee daar nba ki bi saa lor mɔi ki kan tun toonn faba. Ii dia man sennu nba na, yoo nan yoo.

Nikant 29:7

“Ŋmaarii ŋanlore na ni, li dapiik daar, ii tuu taan leeb ki jiant min Yennu, ki daa di jeet, ki bia daa tuun toonn.

Matiu 28:10

Ki u betib a “I daa tiin jaŋmaanii; ii saa man ki saa bet n naa waas maŋ a bin saan Galilii; leŋewa ki bi saa lan.”

Matiu 28:5

Ki malaka na bet poob maŋ a “Yimm daa tiin jaŋmaanii. N mi nan i loon Yiisa nba ki bi daan kpaau dapunpunn paak nae.

Barŋanii nba ki MAK din sɔb nae na 16:6

Ki naasimɔ maŋ yetib a “I daa jee siar mani. N mi nan i loon Nasaref nirɔ Yiisa nba ki bi kpiiu dapunpunn paak nae. U kaa nna; u fiir kuun niwa. Gotir man, baa daan birɔ siaminbae na.

Barŋanii nba ki LUK din sɔb nae na 1:13

Ki malaka maŋ betɔ a, “Sekaria, daa tiin jaŋmaanii. Yennu poŋ gbat a miaruwa, ki a ŋaapoo Elisabef tan saa mar bonjak ki tura, ki a saa pur u sann Jɔɔnn.

Barŋanii nba ki LUK din sɔb nae na 1:30

Ki malaka na bia betɔ a, “Meeri, daa tiin jaŋmaanii, kimaan Yennu par mei a paak.

Barŋanii nba ki LUK din sɔb nae na 2:10

Ŋaan ki malaka na betib a, “Daa tiin jaŋmaanii man, kimaan n baar nan barŋaniie maa n wanni, linba saa tur niib kur parpeenn.

Barŋanii nba ki LUK din sɔb nae na 24:38

Ŋanne ki u boib a, “Bee ki i yan puti? Bee ki birsuk be i ni?

Toona 27:24

ki tan betin a ‘Pɔɔl, daa tiin jaŋmaanii. See ki bi tan jiia ki saan nana Kpanbar Siisa boor. A paake ki Yennu yaa wun tinn niib kur nba be nana ŋaruŋ na ni.’

Fiitu 1:17

Maa lau yoo nba, ki n baa dɔɔr u tɔɔnn nan kpeemmɔ na. Ki u jii u niidiitu ki yii n paak, ŋaan yet a “Daa tiin jaŋmaanii; mine tee bont kur pinpiik nan li joontu;