Barjokit 3:12 - Yennu Gbouŋ Mɔɔr

¹² Yennu kpaan binba ki u loomme, nan bi baa nba tuu kpaan bik nba ki u mɔk parbifaant u paak biaŋinba na.

Barjokit 3:12 Iomraidhean Croise

Yaŋ 103:13

Baa nba mɔk ninbatinu ki tur u waas biaŋinba na, nnae mun ki Yennu mɔk ninbatinu ki tur damm nba baakitɔ.

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Barjokit 13:24

Fi-i kii daar a bik tuba yoo nba ki u biir na, a ki loonɔi na, ŋaan wunba loon u bik tuu ŋmakitirɔe.

Barjokit 29:17

Datir a bik tubir ki fit kii mɔk parbifaant u paak, ki u kan ban dinna fei.

Sennu 8:5

Tiat man, i Yomdaanɔ Yennu-e ŋmakitiri, ki bia daar i tuba nan biaŋinba ki baa tuu dat u bik tubir na.

Hiibru teeb 12:6

kimaan Yennu kpaan wunba ki u loonɔe, ki wuu gaar wunba ki teenɔ u bik, li yɔɔe ki u daar u tubir.”

Fiitu 3:19

Binba kur ki n loonib na, n kpaamme ki daar bi tuba. Li paak, nyikin man i toonbiit ki daa jerimi.