Barjokit 1:11 - Yennu Gbouŋ Mɔɔr

¹¹ Li-i tee ki bi yet a, “Baat ki tin saan lon sɔɔ ki kpiu, ŋaant ti lek nisiab nba ki biir siar.

Barjokit 1:11 Iomraidhean Croise

Yaŋ 17:12

Bi tee nan yanbɔra nae ki guun; ki loon bin chat-chatin.

Yaŋ 35:7

Bi pii barit ki guuntin, ki li ki mɔk paaki; ki bia gbiir bootsunsuŋ a bin soorin.

Yaŋ 56:6

Ki bi taant leeb ki bɔriin, ki gorii n sommir ni, nan baa saa teen biaŋinba ki kpin.

Barjokit 1:16

Bi ki guut kaawa ki tuun bonbiir. Yoo kur bi teen siire a bin kpi nirɔ.

Barjokit 1:18

Nibiit na booru pii baruko ki guunt bi mɔŋ, baruk nba ki bi saa kpo leŋ.

Barjokit 12:6

Toonbiit damm mɔbona tee kuume, ŋaan ki yentinna mɔbona tee manfoor ki teen binba ki bi lorin bonbiir bi paak na.

Barjokit 24:15

A daa tee nan nibiit nba lorin a bin fat niŋanɔ, koo ki fat u ŋaak na.

Barjokit 29:24

Fi-i tee nanyukɔ yɔɔk, a tee a mɔŋ dataake. Bi saa dat a tubire, li-i tee ki a pak barmɔnii barbuboor, ŋaan Yennu mun saa sat mɔtont a paak, li-i tee ki a ki pak barmɔnii.

Barjokit 30:14

Nisiab be ki tee binba fiar talas nan nandamm, bi tee nnae ki laat bi daar diisir.

Jeremaya 11:19

Ki n tee nan pegann nba ki bi saa nanɔ a bin kɔtɔ na, ŋaan ki n ki mi nan n paake ki bi lorin lorbiiuk na ki yeen a, “Ŋaant ki ti chɔɔ tiik na nan u lɔɔna ki lu. Ŋaant tin kpiu, ki sɔɔ ji daa mi tian u po.”

Jeremaya 5:26

“Nibiit be n niib na ni ki tuu dɔɔ guu, nan nirɔ nba tuu pii laauŋ a wun soor nɔɔŋ na, ki bia naan nan binba tuu pii barit a bin soor jab na.

Maika 7:2

Niŋanɔ ji ki biar tiŋ na paaki, sɔɔ ki be ki waa Yennu. Sɔɔ kur guue a wun la yaak ki kpi kuun. Ki sɔɔ kur pii baruk ki guunt u naa bik.

Jɔɔnn 15:25

Linba na teen nnae, a baa din sɔb linba n po bi sennu ni na n fit teen mɔnii a: ‘Bi namin, ki li ki mɔk paaki.’

Toona 23:15

Li paak, yimm nan tɔɔndamm tituk na n tun toomii Rom lanjimanba yudaanɔ na peŋ, ki wun nyinn Pɔɔl ki baar nanɔ i boor nna, ki lii tee nan i loon ki i boiɔ buboite, ki bann u maan maŋ po chib chib na. Ŋaan ti saa kpiu ki u daa ki baari.”

Toona 25:3

a wun te ki bi para-ii mei, ki te Pɔɔl n baar Jerusalem, ŋaan lor a bin bɔr ki kpi Pɔɔl sɔnu ni.