2 Samuel 8:2 - Yennu Gbouŋ Mɔɔr

² Defid bia din kɔn nyann Moab teeb. U din te ki bi dɔɔr tiŋ nie, ki u tuu kan niib bantaa ki kpi banlee, ŋaan nyik yenɔ. Li paak ki Moab teeb din teen u jiamm, ki pa lampo teenɔ.

2 Samuel 8:2 Iomraidhean Croise

2 Samuel 12:31

ki soor niib nba be leŋ na ki miamm ki bi chɔɔn naajikoona, ki ko kpaant, ki bia chibin birikii. Defid bia din tun nnae ki tur Amonn dolia na kur niib, ki ŋɔɔ nan u jab kur ji ŋmat Jerusalem.

2 Samuel 8:6

ki din chaan kunkɔnkɔnna kaaŋ bi yent ni, ki Siria teeb teen Defid jiamm ki pa lampo ki teenɔ. Yennu din te Defid nyante lokir kur po.

1 Kpanbara 4:21

Solomonn yent din nyii Yufrates mɔkir ki saan tuu Filistia nan Ijipt teeb kpaar. U yent niib kur din pa lampo ki teen ŋɔɔe, ki tee u jiamm, u manfoor ni kur.

2 Kpanbara 1:1

Israel kpanbar Ahab kuun poor poe ki Moab teeb yêt Israel teeb jiantu.

2 Kpanbara 17:3

Asiria kpanbar Salmaneser din faa kpanbar Hosea tɔb, ki Hosea jii u mɔŋ ki chabɔ, ki teenɔ jiɔŋ binn kur.

1 Barkperii 18:2

U bia din kɔn nyann Moab teeb, ki bi teen u jiamm, ki pa lampo ki teenɔ.

2 Barkperii 26:8

Amonn teeb din baar nan bi jiauŋ ki tur Yusia, ki u la paŋ bonchiann ki li te ki u sann mɔɔnt ki saa baar Ijipt gbaa.

Yaŋ 108:9

Ŋaan n saa jii Moab yente ki teen n nyunnitŋmaŋ, ki Edom yent sii tee n taasaat binbir boor, ki lii tee nyinn ki want nan n yenir. N saa hoot nan nyannu kunkɔre, Filistia teeb paak.”

Yaŋ 18:45

ki bi gbanant baŋit, ki bi nyi bi digbanpaara ni, ki jekir.

Yaŋ 60:10

Yennu, a set yêtite-e? A ji kii be nan ti kunkɔnkɔnna na-a?

Yaŋ 60:8

N saa jii Moab teebe ki bii tee tatilaauk nba ki n sii sokii bona li ni, ki sii birin n taasaat Edom yent ni, ki li sii tee nyinn nan mine yen yent maŋ, ki hoot man nyann Filistia teeb na paak.”

Yaŋ 83:6

Ki Edom teeb, nan Ismael teeb, nan Moab teeb, nan Hagar booru ni niib,

Aisaya 36:16

I daa gbiin Hesekia maami. Asiria kpanbar na piaki a yin nyi doo na ni, ki jii i mɔŋ ki turɔ. U bo saa chab i kur ki yii di i tiinii lɔɔna, kii nyu i bunbuna ni nyun,

Nikant 24:17

N gorii yoo nba baat, ki laat Israel teeb kpanbar nba tee nan ŋmaajar na, ki nyi niib na ni. Dammir saa nyi Israel teeb ni; ki u saa yakit Moab saakab yura, ki faa bir Sef niib kur.

1 Samuel 10:27

Ki siab be ki tee niyoona, ki yet a, “Jɔɔ na yaa wun tun bee ki tinniti?” ki yisimɔ, ki ki baar nan piinii ki turɔ, ŋaan ki Sɔɔl ŋmina.

1 Samuel 14:47

Sɔɔl nba dii Israel naan, li poor poe ki u kɔn nan bi datai lokir kur po: Li Moab teeb nan Amonn teeb, nan Edom teeb, nan Soba batnba, nan Filistia teeb. Ki wuu kɔn nan siaminba kur, u tuu nyanne.

1 Samuel 22:3

Defid din nyii leŋ ki saan Mispa, ki li be Moab booru yent ni, ki saan yet Moab bat a, “Chanbaa, a kan te n baa nan n naa n baar kii taŋi be a boor ni, ki saa tuu yoo nba ki n tan saa bann linba ki Yennu saa tun turimi-i?”

1 Samuel 22:4

Tɔn, ki Defid nyik u damm, ki bi biar be Moab bat boor, yoo nba kur ki Defid din bɔr tanfiiɔk ni na.