2 Samuel 8:1 - Yennu Gbouŋ Mɔɔr

¹ Yoo din saan waame, ki kpanbar Defid saan ki lek Filistia jab biak, ki nyannib ki fat Meteg Ama yent bi boor.

2 Samuel 8:1 Iomraidhean Croise

2 Samuel 19:9

Israel booru ni kur, niib na din nɔi nan leeb mɔniate ki yaa, “Kpanbar Defid-e fatit ki nyinnit ti datai nuu ni, ki bia nyinnit Filistia teeb nuu ni. Mɔtana, u chiar nyik digbann nawa, kimaan Absalom paak.

2 Samuel 2:24

Ki Joab nan Abisai wei ber Abner, ki daajoouk ki bi tan baar Ama kunkonn, ki li be Gia yondopo, ki be Gibeonn kunkoouk sɔnu po.

2 Samuel 22:44

Fine fat nyinnin niib nba lekin na nuu ni, ki ŋamm ŋmakitin, ki n dia n niib, ki niib nba ki n ki mib na kpant n jiamm.

2 Samuel 5:17

Filistia teeb din gbat nan bi dinn Defid naan ki teenɔ Israel teeb kpanbar, li paak ki bi kunkɔnkɔnna nyii a bin soorɔ. Defid nba din gbat nna maŋ yoo nba, ki ŋɔɔ nan u jab saan doo jɔɔr nba paar.

2 Samuel 5:25

Ki Defid tun biaŋinba Yennu wannɔ na. U din fit ber Filistia teeb na, ki nyinnib Geba, ki kpib ki saa baar Geser.

2 Samuel 7:9

N tun be nana siaminba kur ki a saa, ki a nyant a datai kur nba ki a tookitib. N saa teena yudaanjaann nan yudaanjaana nba be durinya na ni na.

Yaŋ 18:43

Ki a fatin ki n nyii mɔyêtdamm nuu ni, ki teenin digbana na diarɔɔ; niib nba ki n tuu ki mib na, ŋamme ji tee n jiamm.

Yaŋ 60:2

A te ki tiŋ na jeke, ki a lootir yaan. Li paak, a teb li fiat, kimaan li bɔkit dɔɔe jiak jiak.

Yaŋ 60:8

N saa jii Moab teebe ki bii tee tatilaauk nba ki n sii sokii bona li ni, ki sii birin n taasaat Edom yent ni, ki li sii tee nyinn nan mine yen yent maŋ, ki hoot man nyann Filistia teeb na paak.”

Hiibru teeb 11:33

Bi yada paake ki bi siab din kɔn nyann tinii, ki siab mun tun linba tee fanu, ki siab mun gaar Yennu mɔsona, ki siab soor yanbɔra mɔi,

Hiibru teeb 11:34

ki siab mun kpeen muchiɔŋ, ki siab tin nyii jukbanjai kuun ni. Ki siab mun tee tariie ŋaan din tan kpant paarib, ki siab mun took tɔbii nan paŋ ki te ki boorganu lanjimanba chiar.

1 Samuel 7:13

Tɔn, ki Israel teeb nyann Filistia teeb, ki Yennu gɔɔr Filistia teeb, ki bi ji din ki fit kɔɔ Israel tiŋ ni, yoo nba ki Samuel daa din be na.