2 Samuel 7:9 - Yennu Gbouŋ Mɔɔr

⁹ N tun be nana siaminba kur ki a saa, ki a nyant a datai kur nba ki a tookitib. N saa teena yudaanjaann nan yudaanjaana nba be durinya na ni na.

2 Samuel 7:9 Iomraidhean Croise

Pinpiik 12:2

N saa tura yaaboona bonchiann, ki bi tan sii tee boorgbeŋir. N saa teen a sann sangbeŋir, ki a sii tee piisin daanɔ.

2 Samuel 22:1

Yennu nba din tinn Defid ki u nyii Sɔɔl nan u datalei nuu ni yoo nba, Defid din yin yaŋ nae ki tur Yennu a:

2 Samuel 22:30

Fine teenin paŋ, ki n tuu lek n datai, ki teenin yiikoo, ki n tuu nyann bi paŋ.

2 Samuel 22:43

Ki n nannib ki bi tan tee nan tanbiinii na; ki n ŋmaat bi paak nan sɔnjouk ni tant na.

2 Samuel 23:1

Defid tee Jese bijae, ŋɔɔe ki Yennu din teenɔ nijaann, ki u tee wunba ki Jakɔb Yennu maŋ gannɔ ki dinnɔ naan. Ŋɔɔ maŋe din yin yanmanii ki tur Israel teeb. Defid mɔbonjoontkaa maŋe na a:

2 Samuel 5:10

U naan din kpaatir nan paŋe yoo kur, kimaan Yabint daanɔ Yennu din be nanɔ.

2 Samuel 8:13

Defid nba din kpii Edom jab tusaa piik nan ŋanniin yaarin baauk ni ki jen yoo nba, ki u sann ŋamm mɔɔnt.

2 Samuel 8:14

U din chaan kunkɔnkɔnna kaaŋ Edom yent kur po, ki leŋ niib na teen u jiamm. Yennu din te ki Defid nyante lokir kur po.

2 Samuel 8:6

ki din chaan kunkɔnkɔnna kaaŋ bi yent ni, ki Siria teeb teen Defid jiamm ki pa lampo ki teenɔ. Yennu din te Defid nyante lokir kur po.

1 Barkperii 17:8

N tun be nana siaminba kur ki a saa, ki nyant datai kur nba tookita. N saa teena yudaanjaann nan yudaanjaana nba be durinya na ni na.

Yaŋ 21:6

Barmɔnii, a set turɔ piisin nba kaa gbennuwa, ki a benu te ki u mɔk parpeenn.

Yaŋ 89:23

N saa faa but u datai, ki bia kpi wunba kur namɔ.

Barŋanii nba ki LUK din sɔb nae na 1:52

ki liat kpanbara, ŋaan donn tatimm,

Joosua 6:27

Ki Yennu be nan Joosua, ki Joosua sann tant tiŋ na kur po.

1 Samuel 18:14

Ki linba kur Defid tun, u din tuu nyanne, kimaan Yennu be nanɔ.

1 Samuel 18:30

Filistia kunkɔnkɔnna din tuu baare ki kɔn namm, ŋaan tɔb kur ni Defid din tuu nyanne ki gar Sɔɔl kunkɔnkɔnna saakab kur. Li paak ki Defid sann din doo.

1 Samuel 2:8

U fiint talasdamm nba dɔɔ tant ni, ki bia fiint binba namii ki dɔɔ tanpenkpeka paak na, ki te ki bi tɔkii nan nadiira, ki gaan naan baakir. Tingbouŋ na fiakir tee Yennu yare, ki fiakir na paake ki u tɔɔn durinya.

1 Samuel 31:6

Sɔɔl nan u bonjai bantaa nan u jatiat jikirɔ na, nan u jab kur lakin ki kpo dayenn kɔɔ.

1 Samuel 5:10

Tɔn, ki bi nyinn Yennu mɔlor lakir na ki saan nann Ekronn, ki li mun bia tee Filistia teeb doo. Ŋaan mɔlor lakir na nba baar leŋ yoo nba ki niib na faa wuyikiŋ ki yaa, “Bi baar nan Israel teeb Yennu mɔlor lakir doo na ni, a bin kpi ti kure.”