2 Samuel 22:3 - Yennu Gbouŋ Mɔɔr

³ Yennu-e tee n guutɔɔ, u nie ki n la fatu; u guun nan naagbankɔŋir nae, u fiarin ki tintin. Ŋɔɔe tee n tinntɔɔ, u guun ki nyintin bonbiir ni.

2 Samuel 22:3 Iomraidhean Croise

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

2 Samuel 22:31

Yennu ŋarin, u sɔnu ŋane, ki u mɔmaan tee barmɔnii, u tee nan naagbankɔŋir nae ki tur binba kpaanɔ sommir po.

2 Samuel 22:47

Yennu fo. Pakin n fat-tɔɔ Yennu, ki mɔɔnt ŋɔɔ nba paar ki tinnin na po.

2 Samuel 22:49

Yennu-e nyintin n datai nuu ni, ki te ki n paar n datai, ki guun, ki n nyi biit damm nuu ni.

2 Samuel 22:51

Yennu-e teen min kpanbar Defid nyannjaann, ki jikit u lomm nba kaa paak na, ki teen min nba ki u gannin na, nan n yaaboona, ki saa tuu yoo nba kaa paak.

2 Samuel 23:3

Israel teeb Yennu-e pak, wunba guu Israel teeb nae betin a: “Kpanbar nba dia u niib nan barmɔnii, ki bia diab nan Yentinu

Yaŋ 14:6

Toonbiit damm na kut labin sikin-n-mɔŋ daanɔ lorae, ŋaan Yennu-e tee u fat-tɔɔ.

Yaŋ 140:1

Yennu, fatirin biitdamm nuu ni. A nyinnin kpikpirukdamm boor ni.

Yaŋ 140:11

Daa te ki binba fa faak ki paa leeb na laat nyannu; ŋaant ki biit n nyann kpikpirukdamm ki biirib.

Yaŋ 140:4

Yennu, nyintin biit damm paŋ ni, ki bia gɔɔrin nikpiirit boor, binba lorin n baak po na.

Yaŋ 142:4

Mi-i got ki lint n mɔŋ, n ki laat wunba saa sommin ki nyinnin, sɔɔ baka kaa n po.

Yaŋ 144:2

Ŋɔɔe tee n gaartɔɔ nan n guutɔɔ, ŋɔɔe tee n sindandiiuk nan n tinntɔɔ; n tinnu dindann be u nie, ŋɔɔe sikin digbana tiŋ ni ki turin.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 27:5

Ki n wahala yoo ki u tuu saa dɔkin n paak. U tuu saa bɔrin fanu, u ŋasaakak ni, ki donnin jɔfoouk paak.

Yaŋ 28:7

Yennu-e tee n guutɔɔ ki kɔn n paak. N teenɔ yada, ki u sommitin, ki n mɔk parpeenn, ki saa yin kpinkpammuk yaŋ, ki turɔ niipoouk.

Yaŋ 3:3

Ŋaan Yennu, fine tee n sommtɔɔ, ninbɔŋ kur ni, fine teenin nyannu nan parcheenn.

Yaŋ 32:7

Fine tee n gungurboor, ki a saa nyinnin wahala ni. N saa yin yaŋ nan kunkɔpaarir, a tinnu na paak, kimaan fine guun.

Yaŋ 46:1

Yennu-e tee ti paŋ daanɔ nan ti guutɔɔ, ki teen siir nan wun sommit daamii ni, yoo kur.

Yaŋ 46:11

Yabint daanɔ Yennu be nant, wunba tee Jakɔb Yennu na, ŋɔɔe tee ti gungurboor.

Yaŋ 46:2

Li-i lekii tee ki tiŋ damm, ki jɔjaana baa mɔkgbeŋa nba sumii ni,

Yaŋ 46:7

Yabint daanɔ Yennu be nant, wunba tee Jakɔb Yennu na, ŋɔɔe tee ti gungurboor.

Yaŋ 5:12

Yennu, a teen daansiab nba saak a mɔb nae piisin, ki a lomm tee nan naagbankɔŋir na ki nyintib daŋ ni.

Yaŋ 55:9

Yennu, ŋmatir nɔɔnbiit damm na pinpakit, kimaan n laat kunkɔna nan kpikpiruk doo ni.

Yaŋ 59:16

N saa yin yaŋ ki jiin a paŋ po, sanyiɔk ni kur, n saa yin yaŋ sanpaapo ki jiin a lomm nba kaa gbennu na po, kimaan fine tee n gungurboor, ki tee n bunbɔr boor yoo nba ki n be daamii ni.

Yaŋ 61:3

kimaan fine tee n sommtɔɔ, ki tee joonpaarir nba leek n datai.

Yaŋ 71:7

N manfoor tee nyinne ki tur niib bonchiann, kimaan a guun fanu.

Yaŋ 72:14

Ki u saa fat damm nba ki bi ŋmaŋib ki bia diimm, kimaan bi manfoor mɔk nyɔɔt ki turɔ.

Yaŋ 84:11

Kimaan Yennu-e tee ti guutɔɔ nan ti kpanbar, ki tee piisin ti paak, ki ti laat burchint nan baakir, ki binba tuun linba ŋan, u ki miimm bonŋana.

Yaŋ 84:9

Yennu, kpanbar nba ki a gannɔ na, teent piisin u paak.

Yaŋ 86:14

Yennu, karinbaandamm fiir a bin biirin, ki tee nikpiirit nba taan leeb a bin kpin; bi tee niib nba baka kaa a poe.

Yaŋ 9:10

Yennu, binba mia na saa teena yadawa, a ki yêen wunba baar a boori.

Yaŋ 9:9

Yennu-e tee binba di biak na sindandiiuk. U boore tee gungurboor ninmɔnn yoo.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Barjokit 30:5

“Yennu dia mɔsona nba ki u senn na kure. U tee nan naagbankɔŋir nae ki teen binba kur loon u guuru na.

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 16:9

Gbiintir linba ki min Yabint Daanɔ Israel teeb Yennu yaa man pak. N saa te kpinkpammuk, nan parmaasir, nan poochianu jaamm parpeenn fuut na n ŋmin. Niib nba be nna sii be bi manfoor ni ki la linba na n tun.

Barŋanii nba ki LUK din sɔb nae na 1:47

ki mɔk parpeenn, Yennu nba tee n Tinntɔɔ na paak,

Barŋanii nba ki LUK din sɔb nae na 1:69

U turit Tinntɔɔ nba mɔk paŋ ki tee Yennu toontunnɔ Defid yaaboonn.

Barŋanii nba ki LUK din sɔb nae na 1:71

ki yet a u tan saa nyinnit ti datai nii ni, ki bia tan saa nyinnit binba kur namit na nii ni.

Sennu 32:37

Yennu saa boi u niib a, ‘Yenbis nba ki i teemm yada na be lee?

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.

Taitus 3:4

Ŋaan ti Tinntɔɔ Yennu lomm nan u burchint nba din tan fiit nyii paanu yoo nba,

Taitus 3:6

ki jii u Seyeeŋ maŋ ki turit, ti Tinntɔɔ Yiisa Masia paak.

Hiibru teeb 2:13

U bia yet a, “N tan saa teen Yennu yada,” ki bia yet a, “Min nan waas nba ki Yennu turin nae be na.”

1 Samuel 2:1

Ki Hana miar Yennu ki yet a: “Yennu turin parpeenna. Li maŋin bonchiann nan waa tun linba turin na. N laa n dataie, ki bia mɔk parpeenn, kimaan Yennu sommima.

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.