2 Samuel 2:1 - Yennu Gbouŋ Mɔɔr

¹ Linba na poor poe ki Defid boi Yennu a, “N saan Juda doi na yenn ni-i?” Ki Yennu yetɔ a, “Ii saa.” Ki Defid bia boi a, “Mii saa digbanlann ni?” Ki Yennu jiin a, “Ii saa Hebronn.”

2 Samuel 2:1 Iomraidhean Croise

Pinpiik 13:18

Ki Abram chaat u lanbouŋ, ki saan chaan kpian Mamre tijakpera nba be Hebronn na, ki maa maruŋ binbintir ki tur Yennu.

Pinpiik 32:2

Waa lab na ki u yet a, “Yennu kaaŋe na,” ki pur leŋ Mahanaim.

2 Samuel 15:7

Bina ŋanna poor poe ki Absalom yet kpanbar Defid a, “Chanbaa, ŋaant man ŋmat Hebronn, ki saa gbeen n mɔsonn nba ki n sat tur Yennu na.

2 Samuel 2:11

ki u din kar Hebronn doo ni, ki dia Juda teeb bina ŋanlore nan bonjinn.

2 Samuel 5:19

Defid din boi Yennu a, “N saan lek Filistia teeb na-a? A saa te ki man nyanniba-a?” Ki Yennu jiin a, “Nn, Ii saa ki lekib. N saa tura nyannuwa.”

2 Samuel 5:23

Ki Defid bia ŋamm boi Yennu nan wun lekibii? Ki u jiin a, “A daa lekimm lokir na ni. Linin bi poorpo ki lekib nyankpanii na po.

1 Kpanbara 2:11

U din dii Israel naan ki kar bina piinnae; u din kar Hebronn bina ŋanlore-e, ki bia kar Jerusalem bina piintaa nan ŋantaa.

1 Barkperii 29:7

Bi din tur linba nae, a lin maa Yennu ŋasaakak, salimmɔnkuna tusaa kobik nan piinlore, nan salimpeenkuna tusaa kobii ŋantaa nan piinna, nan kutmɔnt kuna tusaa kobii ŋanloob nan piinlee, nan kutlaana tusbamm ŋantaa nan kobii ŋanna.

2 Barkperii 11:10

nan Sora nan Aijalonn nan Hebronn.

Yaŋ 143:8

Sanyiɔk kur, a tuu tiarin a lomm nba kaa gbennu na po, kimaan fine ki n teena yada. N miaru do a boor nie. Wantin sɔnu nba ki n saa tɔkin.

Yaŋ 27:4

N boi Yennu bonyenn kɔɔ poe, bonyenn kɔɔe ki n loon: N loon mii be Yennu ŋasaakake n manfoor ni kur, kii bari Yennu ŋant nba tee, ŋaan boi u sommir po.

Esekiel 36:37

Ki Yabint Yennu ŋamm yet a, “N saa te ki Israel teeb na n ŋamm boin sommir po, ki n saa te ki bin pɔt nan pei nba pɔt biaŋinba na,

Nikant 13:22

ki saan tiŋ maŋ diitu po, ki bia saa baar Hebronn, ki li tee siaminba ki Ahimann nan Sesai nan Talmai naakuut ni niib kɔɔ na, ki tee niwakita nba ki bi yib Anak teeb na yaaboona. (Baa din sibir Hebronn doo li bina ŋanlore poorpoewa ki bi tan sibir Soann doo nba be Ijipt na.)

Nikant 27:21

Ki u sii maa manntɔɔ Eleasar paak, ki Eleasar tuu sii jikit bont nba ki bi yir Yurim nan Tumim na, ki bant n dudukit. Nna bannue ki manntɔɔ Eleasar tuu saa ŋmakit Joosua nan Israel teeb kur, bi toona ni.”

Joosua 15:13

Joosua din jii Juda yent waan ki tur Jefune bija Kaleb, wunba tee Juda booru ni nirɔ na, nan Yennu nba wannɔ biaŋinba na. U din gaar Hebronn-e, doo nba tee Anak baa Arba yar na.

Barbuura 1:1

Joosua kuun poor poe ki Israel teeb boi Yennu a, “Boorlannpoe saa liit ki kɔn nan Keenann teeb ki turiti?”

1 Samuel 10:22

ki bi ŋamm boi Yennu a, “Daanɔ maŋ be nna-a?” Ki Yennu jiin a, “Gotir, ŋɔɔe gur jika niŋ na.”

1 Samuel 23:2

Ki u boi Yennu a, “N saan ki lek Filistia teeb na-a?” Ki Yennu jiin a, “Nn, ii saa ki lekib, ki tinn Keila doo.”

1 Samuel 23:4

Ki Defid bia ŋamm boi Yennu, ki Yennu betɔ a, “Ii saa Keila, kimaan n saa te ki a nyann Filistia teeb nawa.”

1 Samuel 30:31

nan Hebronn. U din jii piinii na ki te ki bi saan nann, doi nba kur ki ŋɔɔ nan u jab din tuu lin na ni.