2 Barkperii 7:3 - Yennu Gbouŋ Mɔɔr

³ Israel teeb nba din la ki muu nyii sanpaapo, nan yentsaakar na ki li be ŋasaakak na yur paak yoo nba, ki bi baa fabin sakii paak, ki jiantir Yennu, ki teenɔ niipoouk, u ŋant nan u lomm nba kaa gbennu na paak.

2 Barkperii 7:3 Iomraidhean Croise

1 Kpanbara 18:39

Niib na nba la linba na yoo nba, ki bi baa fabin tiŋ ni ŋaan yikin a, “Yennu-e set tee Yennu, Yennu kɔɔe tee Yennu.”

1 Barkperii 16:34

Turin Yennu niipoouk, kimaan u ŋan; ki u lomm kaa gbennu.

1 Barkperii 16:41

Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.

1 Barkperii 29:20

Tɔn, ki Defid yet niib na kur a, “Pakin i Yomdaanɔ Yennu.” Ŋanne niib na kur pak ki dont Yennu, wunba tee bi yeejamm Yomdaanɔ Yennu na, ki baa fabin tiŋ ni ki tur Yennu baakir, ki bia tur kpanbar na baakir.

2 Barkperii 20:18

Ŋanne ki Jehosafat baa fabin tiŋ ni, ki niib na kur mun baa fabin tiŋ ni, ki bi jiant Yennu.

2 Barkperii 20:21

Waa pak nan niib na ki gbenn yoo nba, ki u te yanyinna na lia bi liant nba ki bi lia Yenjiantii ni na, ki somm kunkɔnkɔnna na tɔɔnn po, ki yiin yaŋ a, “Pakin Yennu man. U lomm kaa gbennu.”

2 Barkperii 29:28

Ki binba kur be leŋ taan ki jiantir Yennu, ki bia yiin yanii, ki bonfifaat kur faa tee-e nan maruŋ na nba tan dii muu boont.

2 Barkperii 29:29

Ŋanne ki Hesekia nan niib na kur gbaan tiŋ ni ki jiant Yennu.

2 Barkperii 29:30

Kpanbar Hesekia nan u saakab din yet Liifai teeb a bii yiin kii dontir Yennu, donta yanii nba ki kpanbar Defid nan Yennu sɔkinii Asaf din sɔb na. Ki sɔɔ kur yiin nan kpinkpamjaann, ki gbaa tiŋ ni ŋaan jiantir Yennu.

2 Barkperii 5:13

Ki naatunpebira nan yanyinna kur taan yomm ki yiin kunkɔyenn ki dontir, ki bia teen Yennu niipoouk. Bi din peeb naatuna nan duunii nan bonmumɔɔt nba kur be, ki leeb waa ki yiin ki dont bi kunkɔra ki piak Yennu, ki yeen a, “Pakin Yennu man, kimaan u ŋan, ki u lomm kaa gbennu.” Tɔn, ki sanpagbouŋ gbee Yenjiantu ŋasaakak na ni.

Esra 3:11

ki bi ŋamii yiin donta yanii a, “Yennu ŋan, ki u lomm nan Israel teeb kaa gbennu,” ki sɔɔ kur hoot nan u paŋ kur ki dontir Yennu, kimaan bi piin Yenjiantu ŋasaakak na fiakira.

Yaŋ 100:5

Yennu ŋan, ki u lomm kaa gbennu, ki u barmɔnii binbeŋ be yaayoo nan yaayoo.

Yaŋ 103:17

Ŋaan binba teen Yennu baakir na, Yennu lomm yɔɔ be namme; ki u lomm be maarpaanu nba baat yoo kur paak,

Yaŋ 106:1

Pakin Yennu man. Ii tur Yennu niipoouk, kimaan u ŋan, ki u lomm kaa gbennu.

Yaŋ 107:1

“Turin Yennu niipoouk, kimaan u ŋan, ki u lomm kaa gbennu.”

Yaŋ 118:1

Turin Yennu niipoouk, kimaan u ŋan, ki u lomm kaa gbennu.

Yaŋ 95:6

Baat man ki tin gbaan ki jiantɔ; ŋaant ki ti gbaan Yennu nba turit manfoor na tɔɔnn,

Nyinu 4:31

ki bi teen yada. Ki baa gbat nan Yennu baar bi boor ki la baa di biak biaŋinba na, ki bi gbaan ki jiantɔ.

Aisaya 63:7

N saa pak Yennu lomm nba ki gbent na poe. N dontirɔ nan waa tun linba kur ki turit. U teen piisin bonchiann timm Israel teeb paak, kimaan u ninkpabauŋ nan u lonchiɔŋ na paak.

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Liifai teeb 9:24

Ki li taakpaak ni ki Yennu te ki muu nyii sanpaapo ki sik binbintir na paak, ki dii mujoonu maruŋ nan kpapana na. Niib na nba la nna, ki bi yikin nan parpeenn, ŋaan gbaan ki tibin ki bi yugbia siit tiŋ.

Nikant 14:5

Ki Moses nan Aarɔnn gbaan ki tibin niib na tɔɔnn, ki bi yugbia siit tiŋ, a bin barin Yennu.

Nikant 16:22

Ki Moses nan Aarɔnn gbaan ki tibin, ki bi yugbia siit tiŋ, ki yet a, “Yennu, fin Yennu nba tee nisaarii kur daanɔ, li-i tee ki niyenɔkɔɔ biir, a saa donn wutoor niib kur paake-e?”

Barŋanii nba ki LUK din sɔb nae na 1:50

U bia mɔk ninbatinu nan nigbouŋ kur nba tiinɔ.