2 Barkperii 7:14 - Yennu Gbouŋ Mɔɔr

¹⁴ ki li te ki n niib na miarin, ki mɔ kɔɔ bi biit paak, ki nyik bi toonbiit nba ki bi tuun na, maa be yendɔuŋ ni na, n saa gbat turib, ki nyik chab bi yanbɔmm, ŋaan ŋamm bi tiŋ ki turib.

2 Barkperii 7:14 Iomraidhean Croise

2 Barkperii 20:3

Jaŋmaanii din soor Jehosafat, ki u miar Yennu ki boi sommir po, ŋaan te ki bi lor mɔi digbann na kur po.

2 Barkperii 20:4

Ki Juda doi kur ni niib kakit ki saan Jerusalem a bin boi Yennu sommir po,

2 Barkperii 6:27

Yennu, faa be yendɔuŋ ni na, a gbiint bi miaru, ki nyik chab a daaba Israel teeb yanbɔmm, ŋaan wannib ki bin tun linba ŋan, ki a te saak n baa tingbouŋ na paak, tingbouŋ nba ki a tur a niib, ki li tee bi faar na.

2 Barkperii 6:30

fan gbat u miaru. Faa be a ŋaak ni, yendɔuŋ ni na, a gbiint bi miaru, ki nyik chabib. Fin kɔɔe mi sɔɔ kur par ni nba tee biaŋinba. A teen sɔɔ kur linba jaŋitɔe,

2 Barkperii 6:33

fan gbat u miaru. Faa be yendɔuŋ ni na, a gbiint u miaru, ki tun linba ki u loon, ki nibooru kur nba be tingbouŋ na ni saa banna, kii saak a mɔb, nan a niib Israel teeb nba tuun na. Ŋanne ki bi saa bann nan ŋasaakak nba ki n maa nae tee siaminba ki bi sii jiantira.

Yaŋ 27:8

Yoo nba ki a yet a, “Baat ki tan jiantin” na, ki n jiin a, “Yennu, n baate.”

Yaŋ 60:2

A te ki tiŋ na jeke, ki a lootir yaan. Li paak, a teb li fiat, kimaan li bɔkit dɔɔe jiak jiak.

Barjokit 28:13

Fi-i yiab a fan dɔkin a biit, a kan ban la nyannu. Katir a biit, ki nyik li tumu, ki Yennu n tina ninbaauk.

Aisaya 45:19

N ki bɔr pak kaa, koo n ki bɔr n lora. N ki yet a Israel teeb n lomin yann boori. N tee Yennu-e ki piak barmɔnii, ki fiitir linba took ki want.”

Aisaya 59:20

Yennu yeen u niib a, “N saa baar Jerusalem ki kɔn i paak, ki tinn yimm nba kur nyik i toonbiit na.

Aisaya 63:19

A diat nan a ki ban teen ti kpanbar nae, ki tee nan ti ki ban teen a niib na.

Jeremaya 14:9

Bee ki a tee nan jɔɔ nba ki bi kpirɔ na? Bee ki a tee nan kunkɔnkɔnnɔ nba kaa yiikoo ki saa tinn nirɔ na? Yennu, a setik be nant, ti tee a niibe. Daa nyikititi.’ ”

Jeremaya 33:6

Ŋaan n saa teb doo na nan li niiba, ki turib laafia. N saa wannib parmaasir nan binbenŋaŋ.

Jeremaya 50:4

Yennu yeen a, “Yoo maŋ-i baar, Juda nan Israel niib kur sii mɔ ki baat, ki loon min nba tee bi Yennu na.

Jeremaya 51:9

Boorganu nba be leŋ na yet a, ‘Ti yabir a tin somm Babilonn, ŋaan sɔɔ yoo gara. Ŋaant ki tin nyik ŋaan ŋmat kun. Yennu jii u paŋ kure ki dat Babilonn tubir ki biirir chain chain.’ ”

Jeremaya 8:22

Tebuk kaa Gilead yent ni-i? Tebira kaa leŋe-e? Ki bee teen ki n niib ki la laafia?

Esekiel 33:11

Min Yabint Yennu yet nan maa set be na, li ki manin, li-i tee ki n laat yanbɔndaanɔ kpenni, n bo sii loon ki wun nyik toonbiit tumue kii mɔk manfoor. Israel teeb, nyikin toonbiit nba ki i tuun na. Bee teen ki i loon yin kpo?

Esekiel 33:12

“Betir Israel teeb na, nan li-i tee ki niŋanɔ piin tuun toonbiiti, toonŋana nba kur ki u tuu tuun na kan fit tinnɔ, ki wun nyi tubdatu ni. A tiarib nan li-i tee ki yanbɔndaanɔ nyik toonbiit tumu, n saa nyik chabɔ u toonbiit nba ki u tuu tuun na. Ki li daanɔ ji kan la tubdatu.

Nikant 6:27

Ki Yennu ŋamm yet a, “Li-i tee ki bi sat piisin n sann ni ki tur Israel teebi, n saa teen piisin bi paaka.”

Toona 9:11

Ki ti Yomdaanɔ yetɔ a, “Fiit ki saan tɔkin sɔnu nba yi Sɔnsunsonn na, ki saa kɔɔ Judas ŋaak ki boi jɔɔ nba nyii Tarsus, ki u sann tee Sɔɔl na po. U mei Yennu-e mɔtana,

Sennu 28:10

Ki niib kur tingbouŋ na ni saa bann nan Yennu-e ganni a yii tee u tiɔŋ niib, ki bi sii tiini jaŋmaanii.