2 Barkperii 32:3 - Yennu Gbouŋ Mɔɔr

^3-4 ki ŋɔɔ nan u saakab lor nan bin piin nyuntona nba be doo na kpiŋ, ki lin fit gɔɔr Asiria teeb na, ki bi daa laat nyun, bi-i taŋi nakin Jerusalem yoo nba. Saakab na din nyii nan niib bonchiann ki saa piin nyuntona maŋ, ki li te nyun ji ki puubi.

2 Barkperii 32:3 Iomraidhean Croise

2 Kpanbara 18:20

U din yet a, “I dukin nan mɔbona saa fit set tɔb yan nan tɔb paŋ niwa-a? I dukii ŋmee saa taani ki yin kɔn nan Asiria teebi?

2 Kpanbara 20:20

Linba kur pukin ki kpanbar Hesekia din tun, u par toona, nan waa din bir nyunbuur ki bia bir nyunlɔɔnu ki kɔɔn doo na ni, li kur sɔb be Juda kpanbara barkperii gbant ni.

2 Barkperii 32:2

Yoo nba ki Hesekia bann nan Senakerib loon wun bia lek Jerusalem doo na,

2 Barkperii 32:30

Hesekia-e din kɔr Gihonn nyuntona nba be paapo, ki li nyun ji ki siik ki saa fɔru nba be Jerusalem joona fiakir ni, ki kɔɔ Jerusalem nɔɔk ni na. Hesekia din laat nyannue toonn nba kur ki u tun.

Barjokit 15:22

Gaat kpaanii ki lin somma, ki a nyann, ŋann-i kaa, a saa baawa.

Barjokit 20:18

Gaat kpaanŋanii ki la nyannu; a daa tookit tɔb yoo nba ki a ki lori.

Barjokit 24:6

See ki a teen siir fanuwa ki fit took tɔb. Fi-i mɔk kpaanteeb bonchianne tee nyannu. -- 22 --

Aisaya 40:13

Sɔɔ saa fit wann Yennu waa sii tuun biaŋinbawa-a? koo ŋmee saa fit tumii Yennu, koo ki turɔ kpaanii?

Nahum 3:14

Luunt nyun ki guun a mɔŋ, ki teen siir nan a datai, ki pukin a joona paŋ. A taa tant, ki teen birik-ŋmant siir.

Rom Teeb 11:34

Li sɔb Yennu gbouŋ ni a: “Ŋmee mi Yennu dudukit ki saa kpaanɔ?