2 Barkperii 14:6 - Yennu Gbouŋ Mɔɔr

⁶ U din maa joona ki lint Juda doi, u naan yoo, ki li jii bina bonchiann ki tɔbii ki faa, kimaan Yennu-e turɔ parmaasir.

2 Barkperii 14:6 Iomraidhean Croise

1 Kpanbara 5:4

Ŋaan mɔtana n Yomdaanɔ Yennu tur parmaasir doo kur powa. N ki mɔk datai, ki jaŋmaanii kaa ki jiin kpikpiruk po.

1 Barkperii 22:13

Li-i tee ki a sak sennii nba kur ki Yennu din tur Moses a lii tee Israel teeb yar na, ŋann a saa nyanna. Cheen a par, kii see kenken. A daa tiin jaŋmaanii ki biir a pari.

1 Barkperii 22:9

ŋaan u turin mɔsonn a, ‘A saa mar bik; ŋɔɔe saa dia doo, ki parmaasir nan foon sii be, kimaan n saa te ki wun la parmaasir nan foon, u datai kur boor. U sann sii tee Solomonn, kimaan n saa te Israel teeb para-ii mei u naan yoo.

2 Barkperii 15:15

Li din maŋ Juda teeb na kur, kimaan bi lor mɔlor na nan bi para kure. Bi din mɔk parpeenn nan baa jiantir Yennu na, ki u gaarib ki te parmaasir be tiŋ na kur po.

2 Barkperii 17:4

U din jiantir u baanba Yennu-e, ki sak u mɔb, ki ki waa Israel teeb kpanbara nba tuun biaŋinba.

2 Barkperii 20:30

Jehosafat ji din dia u yent na nan parmaasir, ki Yennu guu-u lokir kur po.

2 Barkperii 26:5

Yoo nba ki Sekaria din be ki wannɔ ki jiin Yenweiu po na, ki u waa Yennu fanu, ki Yennu teen piisin u paak.

2 Barkperii 31:21

Linba kur ki u din tun Yenjiantu ŋasaakak na ni, u din mɔk mɔsaku nan Yennu sennu nan wannu. U din waa Yennu-e ki tuun nan u par kur. Li paak ki u din tun laat nyannu.

2 Barkperii 34:3

Josaya naan bina ŋanniin niŋ nba ki u daa tee naasinbik na, ki u piin jiantir u yeeja kpanbar Defid Yennu, ki bina ŋanna gar, ki u piin bet tingbanjiantboa, nan chicherpook Asera ninnant, nan tingbana nba kur be.

JOB labaar 34:29

Yennu-i kii lor wun tun siar faba, ŋaan sɔɔ kaa ki saa pak ki biirɔ. Li-i tee ki u lek u numm, nisaarii saa biar yanne.

Yaŋ 46:9

U te tɔbii gbent tingbouŋ na kur po, ki kɔnii tɔrbana, ki jintir kpana, ki bia jokit naagbankɔŋa muu,

Joosua 23:1

Yennu nba din nyinn Israel teeb bi datai nuu ni, ki bi la fat-n-mɔŋ na, ki sɔɔ Joosua kpet bonchiann.

Barbuura 3:11

Ki parmaasir ji be tiŋ na paak bina piinna, nan Otniel nba tan kpo.

Barbuura 3:30

Israel teeb din nyann Moab teeb daar maŋ ni. Ki parmaasir ji be tiŋ maŋ paak ki saa tuu bina piinniin.

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.