1 Samuel 4:18 - Yennu Gbouŋ Mɔɔr

¹⁸ Yoo nba ki jɔɔ na taa Yennu mɔlor lakir sann na, ki Eli nyii kok paak ki baa yinyann, tammɔb na boor. U din gbeŋ ki bia kpet bonchiann, li paak, waa baa na ki u turu kɔnn, ki u kpo. U din tee Israel teeb tɔɔndaanɔ bina piinnae.

1 Samuel 4:18 Iomraidhean Croise

Yaŋ 26:8

Yennu, n loon ŋaak nba ki a be na; ki li tee siaminba ki a baakir be na.

Yaŋ 42:10

Ki bi chɔɔn n kpaba nan sukit, ki boin daa kur a, “A Yennu na be lia?”

Yaŋ 42:3

Yonnu ni nan nyiɔk kur ki n mɔ ki ninnyuut tee n jeet. Ki n datai yɔɔ ki boin a, “A Yennu na be lia?”

Yaŋ 69:9

Maa loon a ŋaak biaŋinba na, n par di muue, ki sukit nba bo sii tee a yar na, ki li baa n paak.

Liifai teeb 10:3

Ki Moses yet Aarɔnn a, “Linba na boorue ki Yennu bo beerit na, ki yaa, ‘Daanɔ nba kur jiantirin, wuu baakitin nan barmɔnii, kimaan n tee kasiie. See ki n niib kur turin baakir.’ ” Ki Aarɔnn ki jiin siari.

Barbuura 15:20

Yoo nba ki Filistia teeb din dia tiŋ na, ki Samsonn tee Israel teeb tɔɔndaanɔ bina piinlee.

1 Samuel 4:13

Waa baar leŋ yoo nba, ki sɔɔ Eli kar sɔnjokpiŋ, kok paak, ki gorii, kimaan u yan din put Yennu mɔlor lakir na paake. Jɔɔ na nba kɔɔ doo na ni, ki yet linba tun tɔb ni yoo nba, ki doo na niib kur faa wuyikinii.

1 Samuel 4:17

Ki jɔɔ na jiin a, “Israel teeb chiar ki nyik Filistia teeba. Li tee kunkɔnbiire, jab bonchiann kpo. Linba pukin, a bonjai banlee nba tee Hofni nan Finehas na kpowa, ki bi bia fat Yennu mɔlor lakir nawa.”

1 Samuel 4:19

Eli sipook, wunba tee Finehas ŋaapoo na din mɔk poore, ki jaŋ maaruwa. Yoo nba ki u gbat nan bi fat Yennu mɔlor lakir na, ki u sipojak nan u sɔrɔ bia kpowa na, ki u mɔ matyiaru, ki mar, ŋaan matuk na din daamiiɔ bonchiann.