1 Samuel 2:8 - Yennu Gbouŋ Mɔɔr

⁸ U fiint talasdamm nba dɔɔ tant ni, ki bia fiint binba namii ki dɔɔ tanpenkpeka paak na, ki te ki bi tɔkii nan nadiira, ki gaan naan baakir. Tingbouŋ na fiakir tee Yennu yare, ki fiakir na paake ki u tɔɔn durinya.

1 Samuel 2:8 Iomraidhean Croise

Pinpiik 41:14

Ki kpanbar na tun yiin Joosef, ki bi nyinnɔ dansarik ni, ki baar nanɔ yian. Ki u koor u yut, ki bia lebit u liant, ki ji baar kpanbar peŋ.

Pinpiik 41:40

N saa jiia ki guuna n doo, ki n niib kura sii saak a sennu, see min kɔɔe sii mɔk yiikoo ki gara.

2 Samuel 7:8

“Li paak, betir n toontunnɔ Defid nan min Yabint Yennu yet a, ‘Mine nyinna pekpaaru ni, ki dinna naan, maa fii dia n niib Israel teeb.

1 Kpanbara 16:2

“A din ki tee siar, ŋaan ki n jii Israel naan ki tura, ki mɔtana ki a tun biir nan Jeroboam na, ki kɔɔn Israel teeb biit ni. Bi biit maŋ donn n wutoora,

2 Kpanbara 9:6

Ki bi banlee kɔɔ diiuk ni, ki sɔkiniipaaŋ na kpaar olif tiinii kpan na ki mɔɔn Jehu yur paak, ŋaan yetɔ a, “Yennu nba tee Israel teeb Yomdaanɔ na yeen a, ‘N dinna naan, ki a teen n niib Israel teeb kpanbar dinna.

JOB labaar 1:21

ki yet a, “Bi din marin yanne, n bia tan saa kpo yanne. Yennu-e din turin, ki mɔtana u jii yaat nann na. Yennu sann n la dontir.”

JOB labaar 2:8

Ki Job fiir saan kar tanpenn paak, ki jii sipachabir ki chat u mɔra na.

Yaŋ 102:25

Sian yooewa ki a din nan tingbouŋ na, ki jii a tiɔŋ nii ki nan sanpaak.

Yaŋ 104:5

Fine senn tingbouŋ na li fiakir paak, ki li set fanu ki kan ban chat,

Yaŋ 107:41

ŋaan nyinn talas damm na bi daamii na ni, ki te ki bi pɔt nan bonkobit na.

Yaŋ 24:2

Ki u nan tingbouŋ ki paan mɔkgbeŋa paak, ki teen li fiakir ki li be nyun tiŋ po.

Yaŋ 75:3

Tiŋ na, nan li niib kur-i taŋi jek yoo nba, ŋaan mine sii diab, ki bi kan damm.

Yaŋ 75:4

N beer nɔɔnbiit damm na, maa bin nyik tonu,

Yaŋ 75:7

Yennu kɔɔe tee buut daanɔ, u bu ki teen yenɔ kaat, ki bia bu ki teen lɔɔ mɔnii.

Banntɔɔ 4:14

Li nipaaŋ booru saa fit nyi dansarik ni ki la nyannu; u saa fit di naan, li-i lekii tee ki bi din marɔ talas ni.

Aisaya 22:23

N saa kpaaue chib nan kpaar na, u toona ni, ki baakir sii nyi u boor ki saa u niib peŋ.

Daniel 2:48

Ŋanne ki u ji tur Daniel yudantuk ki pukin piinŋanii nba yab, ki te ki u gorii Babilonn yent, ki bia te ki u tee u kpaanteeb na kur tɔɔndaanɔ.

Daniel 4:17

Malaka nba diitir fanu na lore na, a niib nba be lokir kur po n bann nan Yabint Yennu mɔk paŋ nisaarii naan paak, ki fit dint wunba kur ki u loon na naan, li-i lekii tee nibutiŋ nba joont gbaa.’ ”

Daniel 6:3

Li din ki wei kaawa ki Daniel toona wann nan u saa tun toonn na ki gar yent saakab na, koo u saakaleeb nawa. Waa din tuun toonn na fanu na paake teen ki kpanbar na din dukin nan wun teenɔ yent na munn toona saakɔɔ.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Jeems 2:5

N naa walonkai, gbiintir man, Yennu-e gann binba tee nandamm tingbouŋ na niib boor, a bin teen mɔkita u boor, kimaan bi teenɔ yadae, ki teen u waas nba saa di naan nba ki u senn mɔsonn a u saa tur binba loonɔ na.

Fiitu 1:6

ki te ki ti tee u naan ni niib nba tee mannteeb, a tin tun u Baa Yennu toonn; ŋɔɔe yen paku nan paŋ mɔkmɔk nan mɔkmɔk. Mamɔmm.

Fiitu 22:5

Nyiɔk ji tan sii kaa, bi tan kii loon fitir koo yonnu yentu, kimaan ti Yomdaanɔ Yennu sii tee bi yentu. Ki bi saa di naan kii be mɔkmɔk nan mɔkmɔk.

Fiitu 3:21

Wunba nyann nyannu na, n saa turɔ yaak ki wun tan lakin kar nanin, n naangbouŋ na paak, nan maa nyann nyannu kur ki lakin kar nan n Baa Yennu, u naangbouŋ paak biaŋinba na.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”

1 Samuel 15:17

Ki Samuel yet a, “A lek din got a mɔŋ ki a ki tee siar, ŋaan fin kaa tan tee Israel teeb yudaanɔ na-a? Yennu-e dinna ki a tee Israel teeb kpanbar,