1 Samuel 2:2 - Yennu Gbouŋ Mɔɔr

² “Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.

1 Samuel 2:2 Iomraidhean Croise

2 Samuel 22:3

Yennu-e tee n guutɔɔ, u nie ki n la fatu; u guun nan naagbankɔŋir nae, u fiarin ki tintin. Ŋɔɔe tee n tinntɔɔ, u guun ki nyintin bonbiir ni.

2 Samuel 22:32

Yennu kɔɔe tee Yomdaanɔ, Yennu kɔɔe tee ti guutɔɔ.

2 Samuel 7:22

Yabint Yennu, a tee Yenjaanne, sɔɔ ki be ki tee nan fin na, ki ti mi nan fin kɔɔe tee Yennu.

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

Yaŋ 111:9

Ŋɔɔe fat u niib ki ŋaab yann, ki lor namm mɔlor nba sii be yaayoo siiyoo. U tee kasii nan yabint daanɔe.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 18:31

Yennu kuukɔɔe tee ti Yomdaanɔ Yennu kuukɔɔe tee ti sommtɔɔ.

Yaŋ 71:19

Yennu, a popeensin saa tuu sanpagbante. Fine tee daanɔ nba tun toonjaana, ki sɔɔ ki be ki tee nan fin na.

Yaŋ 71:3

Ii tee n gungurboor, kii tee siaminba ki n sii yɔɔ be. Yetir a kunkɔr ki lin tinnin, kimaan fine tee n gungurboor nan n guutɔɔ.

Yaŋ 73:25

N ji mɔk bee yendɔuŋ ni, li-i kii tee fini kaa? Ki tingbouŋ na paak, n kii loon siar ki pukin a po.

Yaŋ 86:8

Yennu, yensau kaa ki tee nan fin na, sɔɔ daa ki ban tun siar ki li tee nan a yar na.

Yaŋ 89:6

Yennu, sɔɔ ki be yendɔuŋ ni ki tee nan fin na; malakanba nba be yendɔuŋ ni, bi sɔɔ ki tee a lɔɔ.

Yaŋ 89:8

N Yomdaanɔ Yennu, sɔɔ ki be ki tee nan fin na. Yennu, fine tee yabint daanɔ, ki mɔk barmɔnii binbeŋ bona kur ni.

Yaŋ 99:3

Sɔɔ kur saa dont u sanjaann na. U tee kasii daanɔe.

Yaŋ 99:5

Ii dont ti Yomdaanɔ Yennu man; ii jiantɔ, u naangbouŋ boor. U tee kasii daanɔe.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Aisaya 40:18

Ti saa bikin Yennu nan ŋmee? A saa bikinɔ nlee?

Aisaya 44:6

Yabint Yennu nba dia Israel teeb, ki bia guub na piak a, “Mine tee pinpiik nan joontu, ki tee Yen-yemmir, yensau ji kaa ki pukin n po.

Aisaya 44:8

N niib, i daa tiin jaŋmaanii. I mi nan laa nyii yaayoo niwa ki tan tuu mɔtana, n buntir linba saa tume, ki i tee n siara damm. Yensau ji be pukini-i? Yensau be ki mɔk yiikoo, ŋaan ki n ki mi gbat u po-o?”

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 6:3

Ki bi yeen bi leeb a: “Kasii, kasii, kasii. Yabint Yennu tee kasiie. U baakir gbee durinyawa.”

Jeremaya 10:6

Yennu, sɔɔ kaa ki tee nan fin na, a tee Yenjaanne, ki a sann yab, ki bia mɔk paŋ.

Liifai teeb 11:44

Mine tee i Yomdaanɔ Yennu, li ŋan ki yii tee kasii, kimaan n tee kasiie.

Liifai teeb 11:45

Mine tee Yennu nba nyinnii Ijipt tiŋ ni, a mii tee i Yennu. Li paak, li kpaa talas ki yii tee kasii, kimaan n tee kasiie.

Liifai teeb 19:2

a wun bet Israel teeb a, “Ii tee kasii man, kimaan min, i Yomdaanɔ Yennu tee kasiie.

Rom Teeb 15:4

Linba kur sɔb Yennu gbouŋ ni na, li sɔb a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 4:8

Damm nba ki Yennu ki tian bi toonbiit po, bi mɔk parpeenn.”

Sennu 3:24

‘Yabint daanɔ Yennu, n mi nan a fiit ki wannin a toongbeŋa nan bakitnauŋ toona nba ki a yaa a tuma. Yensau kaa sanpaapo koo tingbouŋ na ni ki saa fit tun a paŋ toona na leere.

Sennu 32:20

ki yet a, ‘N ji kan ban sommib, ŋaan la linba saa baarib, damm nba tee tubkangbata ki ki waan fanu na.

Sennu 32:39

“ ‘Bant mɔtana nan min kuukɔɔe tee Yennu, yensau kaa ki tee barmɔnii Yennu. Min Yennu kpi, ki bia teen manfoor, n teen daŋ, ki bia teen laafia, ki sɔɔ ki be ki saa fit fati n nuu ni.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Sennu 4:35

Yimme ki u tun ki turi a lin wanni nan u kɔɔe tee Yennu, ki sɔɔ ji ki be ki tee nan ŋɔɔ na.

Sennu 4:39

Bant dinna daar nba na, ki daa ban tammit nan Yennu-e tee Yomdaanɔ, yendɔuŋ ni nan tingbouŋ na ni, ki yensau ji ki be.

1 Piita 1:16

kimaan li sɔb Yennu gbouŋ ni a “Ii tee kasii man, kimaan min Yennu tee kasiie.”