1 Samuel 2:1 - Yennu Gbouŋ Mɔɔr

¹ Ki Hana miar Yennu ki yet a: “Yennu turin parpeenna. Li maŋin bonchiann nan waa tun linba turin na. N laa n dataie, ki bia mɔk parpeenn, kimaan Yennu sommima.

1 Samuel 2:1 Iomraidhean Croise

2 Barkperii 20:27

Jehosafat din jii u kunkɔnkɔnna na ki ŋmat namm Jerusalem nan parpeenn, kimaan Yennu te ki bi nyann bi datai nawa.

Nehemaya 11:17

Matania, ki u tee Mika bija, ki tee Sabdi yaaboonn, ki Sabdi mun tee Asaf yaaboonn. Ŋɔɔ Matania-e din ŋmakitir Yenjiantu ŋasaakak na ni yanyinna, ki bi yiin niipoturu nan Yenmiaru yanii. Bakbukia, ki u din tee Matania sommtɔɔ. Abda, ki u tee Samua bija, ki tee Galal yaaboonn, ki Galal mun tee Jedutunn yaaboonn.

JOB labaar 16:15

Ki n mɔ fabin ki lia liant nba tee bɔtoot liant, ki kɔŋ dindann, ki kar tanbiinii ni,

Yaŋ 118:14

Yennu turin yiikoo nan paŋ; ŋɔɔe tinnin.

Yaŋ 13:5

N gaa a lomm nba tun ki be na paake. N sii kpamme, kimaan a saa nyinnin biit niwa.

Yaŋ 148:14

U te ki u digbann na mɔk paŋ ki li te u niib kur dontirɔe, Israel niib nba ki u loomm bonchiann na. Pakin Yennu man.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 20:5

ki ti tan saa yikin nan parpeenn, yoo nba ki a la nyannu na, ki ti saa donn ti farimii ki dont Yennu. Yennu n gat a miaru kur.

Yaŋ 21:2

A turɔ u par nba loon linbawa, ki gaar u miaru.

Yaŋ 35:9

N par ji sii mei nan Yennu, ki n sii mɔk parpeenn, waa tinnin na paak,

Yaŋ 51:15

Yennu, lootir n mɔb, ki man pak dont a sann.

Yaŋ 71:8

N sii dontira daa kur, ki mɔɔntir a yabint.

Yaŋ 75:10

U saa pot nɔɔnbiit damm paŋ, ŋaan pukin kasii damm yar.

Yaŋ 89:17

ki ti baakir nan paŋ nyi a boor, ki a lomm niŋe te ki ti nyann.

Yaŋ 89:18

Yennu-e gann ti guutɔɔ, fin nba tee timm Israel teeb kasii Yennu na, fine turit ti kpanbar.

Yaŋ 89:24

N sii loonɔ ki be fanu nanɔ, ki te ki u laat nyannu yoo kur.

Yaŋ 9:14

ki man fit set a niib boor Jerusalem, ki wannib linba paak ki n dontira na. N sii kpamme, kimaan a tinnima.

Yaŋ 92:10

A te ki n mɔk paŋ nan mɔnaab nae, a tee parpeenn piisime n paak.

Nyinu 15:1

Li poor poe ki Moses nan Israel teeb na yin yaŋ na ki tur Yennu a: “N saa yin ki tur Yennu, kimaan u nyann baakir nyannuwa. U lu taanii nan taanjakira, mɔkgbeŋir niwa.

Nyinu 15:21

Ki Miriam yiin ki teemm a: “Yinin yaŋ ki tur Yennu, kimaan u nyann nyannjaann ki lu taanii nan taanjakira mɔkgbeŋir niwa.”

Habakuk 3:1

Linba nae tee Yennu sɔkinii Habakuk Yenmiaru:

Habakuk 3:18

ŋaan n lek sii kpamme, ki mɔk parpeenn, kimaan n Yomdaanɔ Yennu-e tee n tinntɔɔ.

Barŋanii nba ki LUK din sɔb nae na 1:69

U turit Tinntɔɔ nba mɔk paŋ ki tee Yennu toontunnɔ Defid yaaboonn.

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba, ti Yomdaanɔ Yiisa Masia paak na, kimaan u paake ki Yennu ji teent u yɔɔsnba.

Sennu 33:17

Joosef booru paŋ tee nan naajak paŋ nae, ki u yiikoo tee nan naajakookir yina na. Ki u saa jii ŋanne ki tut nyinn niib ki saan namm banfɔka. Ki u paŋ tee Manase maaru tusaa tusaa nan Efraim maaru tusaa piik piik.”

Filipi teeb 3:3

Timm jiantir Yennu u Seyeeŋ nie, ki mɔk yuugontir Yiisa Masia paak; linba nae tee barmɔnii punpotu. Timm ki teen nisaarik yar kaa yada.

Filipi teeb 4:4

Yaa tee ti Yomdaanɔ yab na, ii mɔk parpeenn yoo kur man. N bia ŋammit beerie, ii mɔk parpeenn man.

Filipi teeb 4:6

I daa biir i para bonsiar paaki. Yimm-ii mei Yennu linba kpaa talas turi paak. Ii mei Yennu, kii teenɔ niipoouk i para ni yoo kura, ki betɔ yaa loon linba.

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada, ki mɔk parpeenn bonchiann nba ki nirɔ kan fit wann laa tee biaŋinba.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

1 Samuel 1:6

Ki Penina, wunba tee u yantɔɔ na din tuu sarikitɔe, ki bia nyikitirɔ, kimaan Yennu nba din ki turɔ bik na paak.

1 Samuel 1:7

Li din tuun nnae binn n tuu binn, yoo nba ki bi saan Yennu ŋaak na ni. Penina din tuu daamii Hana-e, ki Hana n tan bui ki yêt jeet dinu.