1 Samuel 10:3 - Yennu Gbouŋ Mɔɔr

³ Ki a saa nyi leŋ ki saan tee-e ki saa baar tijakper nba be Tabor na. Leŋe ki a saa chet jab bantaa, ki bi saa a bin mann maruŋ ki tur Yennu, Betel doo ni. Niib bantaa maŋ ni, yenɔ sii kpakii bupanii bantaa, ki lɔɔ sii jii boroboro ŋantaa, ki lɔɔ na mun sii dia tilɔɔna daan ki li gbee bujakɔra.

1 Samuel 10:3 Iomraidhean Croise

Pinpiik 28:19

ŋaan pur leŋ Betel. Doo maŋ sann din tuu tee Lus-e.

Pinpiik 28:22

Tann nba ki n chaan ki li tee tiaru na sii tee a jiantu boor, ki linba kur ki a turin, n tuu saa nyinn li bɔkitu piik niŋ yenn ki tura.”

Pinpiik 35:1

Tɔn, ki Yennu yet Jakɔb a, “Ii saa Betel yian, ki saa kɔɔ leŋ. A saa maa maruŋ binbintir leŋ ki tur min Yennu nba din lekit a paak, yoo nba ki a din tiin ki yaatir, ŋaan nyikin a ninja Esɔɔ na.”

Pinpiik 35:3

Ti nyi nnae ki saa Betel, siaminba ki n saa maa maruŋ binbintir ki tur Yennu, wunba sommitin wahala yoo, ki be nanin siaminba kur ki n saa.”

Yaŋ 89:12

Fine nan li niidiitu nan niigaŋ po kur. Tabor kunkonn nan Hermonn kunkonn kur yiin parpeenn yanii ki dontir fine.

Jeremaya 32:8

Nan Yennu nba kpan pak biaŋinba na, ki Hanamel baar n boor, dindouŋ maŋ ni, ki tan yetin a n daa tiŋ na. Ki n bann nan Yennu set pak nanima.

Liifai teeb 1:10

Li-i tee ki jɔɔ na jikit u pei ni yenɔ, koo u buunii ni yenɔ a wun mann maruŋ, lii tee bonjak, ki daa mɔk daŋ.

Liifai teeb 23:13

ki jii yon nba ŋmat nan kpanŋanin bɔrik-gbina ŋanlee ki pukin jeet Yenpiinii paak. Ki li nubiru saa maŋ Yennu. Ii bia tuu pukin tilɔɔna dasɔɔr Yenpiinii maŋ po.

Liifai teeb 3:12

Li-i tee ki jɔɔ piin u buuk,

Liifai teeb 3:6

Li-i tee ki i jii peeuk koo buukuie, ki saa teen weinanleeb piinii, u saa fit kii tee bonjak koo bonsar, ŋaan daa mɔk daŋ.

Liifai teeb 7:13

ki bia pukin boroboro nba ŋmat datiŋ.

Joosua 19:12

Sarid bɔkleer na, kpaar maŋ din saan yondo po, ki saa baar Kislof Tabor, ki ŋmat saan Daberaf ki doo baar Jafia.

Joosua 19:22

Kpaar maŋ din saan baar Tabor nan Sahasuma nan Bef Semes ki saan dian Jɔɔdann mɔkir. Li din tee digbana piik nan ŋanloobe, ki pukin doi nba kook ki lintir na.

Barbuura 20:18

Ki Israel jab saan Betel, doo nba ki bi tuu jiantir Yennu na ni. Leŋe ki bi saa boi Yennu a, “Naakulanne saa liit ki kɔn nan Benjaminn teebi?” Ki Yennu jiin a, “Juda teebe saa liit.”

Barbuura 20:27

Yennu mɔlor lakir na din be Betel-e bina maŋ ni, ki Finehas, wunba tee Eleasar bija, ki bia tee Aarɔnn yaaboonn nae din guu mɔlor lakir na. Ki Israel jab boi Yennu a, “Ti saan ki kɔn nan ti ninjamm Benjaminn teeb amii ti daa saa?” Ki Yennu betib a, “Ii saa kɔn namm, wonn n saa jiib ki kubin i nuu ni.”

Barbuura 4:12

Ki Sisera gbat nan Barak, wunba tee Abinoam bija na doo Tabor kunkonn paaka,

Barbuura 4:6

Dasiar ki u tan tun yiin Barak, wunba tee Abinoam bija, ki kɔɔ Kedes doo ni, ki li be Naftali booru yent ni na, ki yetɔ a, “Timm Israel teeb Yomdaanɔ Yennu-e tura sennu na a, ‘Jiin kunkɔnkɔnna tusaa piik, ki bin nyi Naftali booru nan Sebulunn booru ni, ki saan namm Tabor kunkonn boor.

Barbuura 8:18

Li poorpo ki u boi Seba nan Salmuna a, “Niboorbee ki i din kpiib Tabor-i?” Ki bi jiin a, “Bi din naan fine, ki bi sɔɔ kur tee nan bat bija na.”

1 Samuel 10:4

Bi saa foonta ki tura boroboro ŋanlee, ki a gaar.