1 Barkperii 5:1 - Yennu Gbouŋ Mɔɔr

¹ Niib nba nae tee Rubenn yaaboona; ŋɔɔe din tee Jakɔb bikperik, ŋaan u din dɔɔ nan u baa Jakɔb poobik, li paak ki u din kɔŋ u saakatuk baakir, ki baakir maŋ saan Joosef boor.

1 Barkperii 5:1 Iomraidhean Croise

Pinpiik 25:23

Yennu din yetɔ a, “Booru ŋanlee-e be a poor ni. Niib banlee saa nyi a poor ni, ŋaan bi kii taa mɔbu. Yenɔ sii paar lɔɔ, ki saakɔɔ po tan sii tee waarɔ po na jiamɔ.”

Pinpiik 25:31

Ki Jakɔb jiin a, “Li-i tee ki a saa turin a saakatuk na ŋarin, n mun saa tura kpint nawa.”

Pinpiik 29:32

Lea din soor poor ki mar bonjak. U din yet a, “Yennu la n daamiiuwa, ki mɔtana, n sɔrɔ ji sii loonin.” Li paak ki u pur bik maŋ Rubenn.

Pinpiik 35:22

Jakɔb nba daa din be tiŋ maŋ ni na, ki Rubenn dɔɔ nan Bilha, wunba tee u baa ŋaapoob na yenɔ. Jakɔb din gbat li po, ki u wutoor doo bonchiann. Tɔn, Jakɔb din mɔk bonjai piik nan banlee-e.

Pinpiik 46:8

Tɔn, ki Jakɔb nan u waas saan Ijipt. U waas maŋ sanae na: Rubenn, wunba tee Jakɔb bijakper,

Pinpiik 48:5

Ki Jakɔb ŋammit piak a, “Joosef, a waas banlee, binba ki a din marib Ijipt, ki sɔɔ ki n daa ki baar na, bi tee n yabe. Efraim nan Manase tee nan n waas Rubenn nan Simeonn nae.

1 Barkperii 2:1

Jakɔb bonjai piik nan banlee na: Ŋamme tee Rubenn nan Simeonn nan Liifai nan Juda nan Isakar nan Sebulunn,

1 Barkperii 26:10

Hosa nba nyii Merari naakuuk ni na din mar bonjai banna: Ŋamme tee Simri, (ki u baa teenɔ saakɔɔ, ŋaan ŋɔɔ kaa din tee u bikperiki,)

Nyinu 6:14

Rubenn, wunba tee Jakɔb bijakper na, din mɔk bonjai bannae, ki bi tee Hanok nan Palu nan Hesronn nan Karmi; ŋamme tee yeejamm nba ki bi naakuut sana gaa namm na.

Liifai teeb 18:8

A daa dint a baa fei ki dɔɔ nan u poo sɔɔ.

Liifai teeb 20:11

Jɔɔ nba dɔɔ nan u baa ŋaapoo yenɔ, u dinn u baa feiwa. Yin kpi li jɔɔ nan poo na. Ŋamme bann bi kuun.

Nikant 1:5

Jab nba saa sommi na, bi sanae na: Booru Naakuuk saakɔɔ Rubenn Elisur, ki u tee Sedeur bija Simeonn Selumiel, ki u tee Surisadai bija Juda Naasonn, ki u tee Aminadab bija Isakar Netanel, ki u tee Suar bija Sebulunn Eliab, ki u tee Helonn bija Efraim Elisama, ki u tee Amihud bija Manase Gamaliel, ki u tee Pedasur bija Benjaminn Abidann, ki u tee Gideoni bija Dann Ahieser, ki u tee Amisadai bija Aser Pagiel, ki u tee Okrann bija Gaad Eliasaf, ki u tee Dewel bija Naftali Ahira, ki u tee Enann bija

Nikant 16:1

Ki Kora, wunba tee Isar bija, ki nyii Liifai booru nba tee Kohaf naakuuk na ni, nan Rubenn booru ni niib nba tee Datann nan Abiram, ki tee Eliab bonjai na, nan Onn, ki u mun tee Pelef bija, ki bi fiir yêt Moses saakatuk paak. Jab kobii ŋanlee nan piinŋmu din pukin bi po, ki tee saakab nba ki Israel teeb din gannib ki bi tee tɔɔndamm,

Nikant 26:5

Rubenn booru (Rubenn-e din tee Jakɔb bikperik,) ki bi tee Hanok nan Palu,

1 Korint teeb 5:1

Li set tee mɔniie ki bi yeen a joonbaanu be i ni, linba ki binba ki waa Yiisa Masia na mɔŋ kan tumi. N gbat a sɔɔ be i sinsuuk ni ki dɔɔ nan u baa ŋaapoo;

Sennu 21:17

Li loon ki wun biit u faar na ki tur bikperik na tor munlee, wu-u leki kii tee pooloŋir biki. Li ŋan ki jɔɔ n bann u bikperik, ki jii linba tee bikperik yar ki turɔ.

Sennu 27:20

“ ‘Yennu mɔtont-ii be daanɔ nba dinn u baa fei ki dɔɔ nan u baa ŋaapoo paak.’ “Ki niib na kur saa jiin a, ‘Lii tee nna.’

Sennu 33:17

Joosef booru paŋ tee nan naajak paŋ nae, ki u yiikoo tee nan naajakookir yina na. Ki u saa jii ŋanne ki tut nyinn niib ki saan namm banfɔka. Ki u paŋ tee Manase maaru tusaa tusaa nan Efraim maaru tusaa piik piik.”

Kolosa teeb 1:15

Sɔɔ kan fit la Yennu, ŋaan u Bija Masia-e tee u naauŋ. Ŋɔɔe gar bont kura, ki tee Yennu bonnankara kur yur,

Joosua 14:6

Dasiar ki nisiab nyii Juda booru ni ki baar Joosua boor, Gilgal. Bi yenɔ sann din tee Kaleb ki u tee Jefune nba tee Kenis nirɔ na bija. U din yet Joosua a, “A mi Yennu nba din pak linba ki jiin min nan fin po ki tur Moses nba tee ŋɔɔ Yennu nirɔ na, Kades Banea doo ni.