1 Barkperii 24:6 - Yennu Gbouŋ Mɔɔr

⁶ Eleasar nan Itamar naakuute din tɔ naatɔɔt maŋ, ki lebitir leeb. Ki gbounsɔbirɔ Semaya, wunba tee Netanel bija, ki tee Liifai nirɔ nae, din sɔb bi sana. Ki kpanbar nan u saakab nan manntɔɔ Sadok, nan Ahimelek, ki u tee Abiatar bija, nan Liifai teeb saakab kur, nan mannteeb saakab kur dii siara.

1 Barkperii 24:6 Iomraidhean Croise

1 Kpanbara 4:3

Ki gbansɔbira mun tee Sisa bonjai, Elihoref nan Ahija. Ki doo gbansɔbirɔ mun tee Ahilud bija Jehosafat,

1 Barkperii 18:16

Ki Sadok, wunba tee Ahitub bija, nan Ahimelek, ki u mun tee Abiatar bija na, tee mannteeb; ki Seraya tee kpanbar gbounsɔbirɔ.

1 Barkperii 23:24

Niib nba nae din tee Liifai yaaboona, ki tee naakuuk naakuuk nan ŋaak ŋaak. Bi din kan bi kur ki sɔb bi sana. U yaaboona maŋ, wunba kur din dii bina piinlee koo ki gar nna din mɔk toonne ki tuun Yennu ŋasaakak ni.

1 Barkperii 24:31

Bi mun bia din tɔ naatɔɔte ki gann toona, nan bi ninjamm nba tee Aarɔnn yaaboona ki tee mannteeb na nba din tun biaŋinba na, ki kpanbar Defid nan Sadok nan Ahimelek nan mannteeb ŋei saakab nan Liifai teeb ŋei saakab kur be ki dii siara. Bi din tun nnae ki tur sɔɔ kur ki li ki mɔk saakɔɔ ki boi biki.

1 Barkperii 24:7

Baa din biit koonn piinlee nan ŋanna naakuuk na ni biaŋinbae na, ki bi waa leeb paak, sɔɔ kur nan u toonn: Naatɔɔt na din sint baa Jehoyarib paake, ki taar munlee ni, ki li baa Jedaya paak, ki Harinn wei muntaa ni, ki Seorim wei munna, ki Malkija wei munŋmu, ki Mijaminn wei munloob, ki Hakos wei munlore, ki Abija wei munniin, ki Jesua wei munyia, ki Sekania wei piik, ki Eliasib wei piik nan yenn, ki Jakim wei piik nan munlee, ki Hupa wei piik nan muntaa, ki Jesebeab wei piik nan munna, ki Bilga wei piik nan munŋmu, ki Imer wei piik nan munloob, ki Hesir wei piik nan munlore, ki Hapises wei piik nan munniin, ki Petahia wei piik nan munyia, ki Jeheskel wei piinlee, ki Jakinn wei piinlee nan yenn, ki Gamul wei piinlee nan munlee, ki Delaya wei piinlee nan muntaa, ki Maasia wei piinlee nan munna.

2 Barkperii 34:13

Liifai teeb na siab din gorii ki bi jikin bonmaakara, ki bia gorii toontunna nba be toonbooru kur ni, ki siab gorii gbant, koo ki tee guura.

Esra 7:6

Esra din tee banntɔɔe, ki mi sennu nba ki Israel teeb Yomdaanɔ Yennu din tur Moses na bonchiann. Esra Yomdaanɔ Yennu din teen piisin u paak, ki kpanbar na teenɔ linba kur ki u boi li po. Kpanbar Artaserses naan dinu bina ŋanlore nie ki Esra din nyii Babilonn, ki soor sɔnu ki saa Jerusalem nan Israel teeb. Ki bi siab tee mannteeb nan Liifai teeb, nan jiantu ŋasaakak ni yanyinna, nan jiantu ŋasaakak guura, nan li toontunna.

Nehemaya 8:1

Li din tan baat ŋmaarii ŋanlore na, ki sɔɔ Israel teeb na kur ji kar bi doi niŋe. Ŋmaarik maŋ sinsinn daar, ki bi kur taan leeb Jerusalem, bi tintaanboor nba ki bi yir Nyun Tammɔb na. Ki bi yet Esra, wunba tee manntɔɔ, ki bia tee sennu banntɔɔ na, a wun lon sennu gbouŋ na, sennu nba ki Yennu din tur Moses a wun tur Israel teeb na.

Matiu 13:52

Ki u betib a “Li paak, Yennu sennu wanntɔɔ nba kur tumii n wannu, ki jiin Yennu naan po ki bann li paak fanu, u tee nan ŋaadaanɔ nba nyint bonkpera nan bonpaana u mɔkint ni nae.”

Matiu 8:19

Ki Yennu sennu wanntɔsɔɔ baar ki tan yetɔ a, “Wanntɔɔ, n saa weia siaminba kur ki a saa.”

Barŋanii nba ki MAK din sɔb nae na 2:26

ki u din kɔɔ Yennu ŋaak ni, ki saa jii boroboro nba ki bi tur Yennu na ki ŋman, yoo nba ki Abiatar din tee mannteeb yudaanɔ na. Sennu na din ki chab nan sɔɔ n di boroboro maŋ see Yennu mannteeb kuukɔɔ; ŋaan Defid maŋ din ŋmame, ki bia tur u jɔɔmu na gbaa ki bi mun ŋman.”