1 Barkperii 16:41 - Yennu Gbouŋ Mɔɔr

⁴¹ Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.

1 Barkperii 16:41 Iomraidhean Croise

1 Barkperii 12:31

Ki Manase booru bɔkir nba be yonbaa po na, ki bi gannib a bin saan ki saa dinn Defid naan, ki bi tee jab tusaa piik nan ŋanniin.

1 Barkperii 15:17

Ki Liifai teeb gann Hemann, wunba te Joel bija na, nan Asaf, ki u mun tee Berekia bija, ki nyii Merari naakuuk ni, nan Etann, ki u tee Kusaya bija: ŋamme din sii peeb naagbanaauŋ.

1 Barkperii 16:34

Turin Yennu niipoouk, kimaan u ŋan; ki u lomm kaa gbennu.

1 Barkperii 16:37

Kpanbar Defid din senn Asaf nan u leeb Liifai teeb, a lii tee bi toonn yoo kur, ki bii be Yennu mɔlor lakir tɔɔnn, kii ŋmakitir, ki bi jiantir daakur.

1 Barkperii 6:33

Jab nba din tuu tuun yanii toona na maarue na: Kohaf naakuuk ni, Hemann-e din tee sinsinn yan-yinna mɔtaauk na saakɔɔ. U din tee Joel bijae. U yeeja ŋaak nyii Jakɔb maaru nie. Hemann baa din tee Joel, ki Joel baa tee Samuel,

2 Barkperii 20:21

Waa pak nan niib na ki gbenn yoo nba, ki u te yanyinna na lia bi liant nba ki bi lia Yenjiantii ni na, ki somm kunkɔnkɔnna na tɔɔnn po, ki yiin yaŋ a, “Pakin Yennu man. U lomm kaa gbennu.”

2 Barkperii 5:13

Ki naatunpebira nan yanyinna kur taan yomm ki yiin kunkɔyenn ki dontir, ki bia teen Yennu niipoouk. Bi din peeb naatuna nan duunii nan bonmumɔɔt nba kur be, ki leeb waa ki yiin ki dont bi kunkɔra ki piak Yennu, ki yeen a, “Pakin Yennu man, kimaan u ŋan, ki u lomm kaa gbennu.” Tɔn, ki sanpagbouŋ gbee Yenjiantu ŋasaakak na ni.

2 Barkperii 7:3

Israel teeb nba din la ki muu nyii sanpaapo, nan yentsaakar na ki li be ŋasaakak na yur paak yoo nba, ki bi baa fabin sakii paak, ki jiantir Yennu, ki teenɔ niipoouk, u ŋant nan u lomm nba kaa gbennu na paak.

Esra 3:11

ki bi ŋamii yiin donta yanii a, “Yennu ŋan, ki u lomm nan Israel teeb kaa gbennu,” ki sɔɔ kur hoot nan u paŋ kur ki dontir Yennu, kimaan bi piin Yenjiantu ŋasaakak na fiakira.

Esra 8:20

Bi bia din baar nan jab kobii ŋanlee nan piinlee ki pukin, ki bi tee Yenjiantu ŋasaakak na toontunna. Kpanbar Defid nan u toontun-yudamm poŋ din gann bi yeejammewa, a bii sommit Liifai teeb na. Bi din sɔb bi kura sanae.

Yaŋ 103:17

Ŋaan binba teen Yennu baakir na, Yennu lomm yɔɔ be namme; ki u lomm be maarpaanu nba baat yoo kur paak,

Yaŋ 106:1

Pakin Yennu man. Ii tur Yennu niipoouk, kimaan u ŋan, ki u lomm kaa gbennu.

Yaŋ 136:1

Turin Yennu niipoouk man, kimaan u ŋan, u lomm kaa gbennu.

Yaŋ 39:1

N yet a, “N saa soor n mɔŋ nan toona nba ki n tuune, ki bia soor n jerinn nan mabiit paku. N kan yet mɔbonsiar, yoo nba ki nɔɔnbiit damm kpiami.”

Yaŋ 77:1

N yikin nan kunkɔpaarir ki tur Yennu. N yikin nan kunkɔpaarir, ki u gbiint turin.

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Esekiel 40:44

U din jiin ki kɔɔ nanin dindouŋ na ni. Ki diit ŋanlee be, ki li tammɔi be dindouŋ na ni. Ki diyenn tor niidiitu po, ki kpia gaŋ po tammɔkɔɔkir na, ki leer tor gaŋ po, ki kpia tammɔkɔɔkir nba be diitu po na.

Nikant 1:17

Jab piik nan banlee na sommire din te ki Moses nan Aarɔnn

Barŋanii nba ki LUK din sɔb nae na 1:50

U bia mɔk ninbatinu nan nigbouŋ kur nba tiinɔ.