1 Barkperii 11:5 - Yennu Gbouŋ Mɔɔr

⁵ Jebus teeb na din bet Defid a, “A kan ban kɔɔ doo na ni,” ŋaan Defid din nyann ki fat Sayɔnn digbanpaarir nawa, ki sɔɔ kur ji din yir Defid doo.

1 Barkperii 11:5 Iomraidhean Croise

2 Samuel 5:9

Defid nba din fat digbanpaarir maŋ yoo nba, u din kar leŋ ki pur doo maŋ sann, “Defid doo,” ki maa ŋei ki pukii, ki piin maa ŋei siaminba ki bi piint bootit, ki li be kunkonn na yondo po na.

2 Samuel 6:10

U ji din ki loon wun jii mɔlor lakir na ki saan nann Jerusalem-i, ŋaan ji din jii saan nann, Gaaf nirɔ nba ki bi yiu Obed Edom na ŋaak.

2 Samuel 6:12

Kpanbar Defid din gbat nan mɔlor lakir na nba be Obed Edom ŋaak ni na paake teen ki Yennu teen piisin Obed Edom nan linba kur ki u mɔk paak. Li paak ki u saan jii mɔlor lakir na Obed Edom ŋaak, ki saan nann Jerusalem nan kpinkpammuk.

1 Kpanbara 8:1

Ki kpanbar Solomonn yiin Israel booru saakab nan naakuut saakab kur a bin baar u boor Jerusalem, ki tan jii Yennu mɔlor lakir na, Sayɔnn nba tee Defid digbann na ni, ki saan nann Yenjiantu ŋasaakak na ni.

1 Barkperii 11:4

Kpanbar Defid nan Israel jab kur din tan saan lek Jerusalem doo. Bi din yir Jebus-e li yoo. Jebus teeb nba din tee tiŋ na damm na, daa din kɔɔ li ni.

1 Barkperii 11:6

Defid din yet a, “Wunba fit kpii Jebus nirɔ sinsinn, ŋɔɔe sii tee n kunkɔnkɔnna na saakɔɔ.” Ki Joab, wunba ki u naa tee Seruya na saan ki lek sinsinn. Li paak, ŋɔɔe din gaar saakatuk na.

1 Barkperii 11:7

Defid nba din saan kar digbanpaarir maŋ ni na, li paak ki bi ji din yir Defid doo.

2 Barkperii 5:2

Ki kpanbar Solomonn tun yiin Israel booru saakab nan naakuut saakab a bin taan Jerusalem, ki saan Defid doo nba tee Sayɔnn na ki be Jerusalem maŋ na, ki jii Yennu mɔlor lakir na ki kɔɔn ŋasaakak na ni.

Yaŋ 122:5

Leŋe ki Israel kpanbara kar a bin bu bi niib buut.

Yaŋ 132:13

Yennu-e gann Sayɔnn doo; u loon wun teenir u ŋaake,

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 48:2

Sayɔnn tee Yennu kunkonne, li fɔk ki bia ŋan; kpanbar jaann nba tee Yennu na, u dooe tee durinya kur parpeenn boor.

Yaŋ 78:68

ŋaan gann Juda booru nan Sayɔnn kunkonn nba ki u mantik loon na.

Yaŋ 87:2

U loon Jerusalem maŋ ki gar Israel teeb nba kɔɔ siaminba kur.

Yaŋ 87:5

Ki bi tan saa pak Sayɔnn po ki yet nan digbana kur nyii u nie, ki Yabint Daanɔ saa te ki u mɔk paŋ.

Yaŋ 9:11

Yinin dontir yaŋ ki dont Yennu, wunba tee kpanbar ki be Sayɔnn digbanjaann ni na, pakin wann sɔɔ kur waa tun linba.

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tanne Sayɔnn doo ni, linba saa te ki niib n gbiat; ki tee tann nba saa te ki niib baa. Ŋaan wunba teenɔ yada kan di fei.”

Hiibru teeb 12:22

Ŋaan yimm ŋarin baar kunkonn nba sann tee Sayɔnn, linba tee manfodaanɔ Yennu doo, ki tee Yendɔuŋ ni Jerusalem, siaminba ki malakanba tusaa tusaa lakin nan parpeenn nae.

Fiitu 14:1

Ki n yirintu maŋ ni ki n bia gokit ki la Pegann na, ki u see kunkonn nba ki bi yir Sayɔnn na paak, ki niib tuskobik nan tuspiinna nan tusaa ŋanna, binba mɔk u sann nan u Baa sann bi yugbia paak, ki bi lakin see nanɔ.

Barbuura 19:10

Ki jɔɔ na ji ki loon wun biar ki dɔɔr. Ki ŋɔɔ nan u poo na, nan bi ŋaatoontunna na fiir, ki soor sɔnu nan bi bonii banlee, ki took Jerusalem.

1 Samuel 17:26

Ki Defid boi jab nba see ki kpiau na a, “Li-i tee ki wunba fit kpii Filistia jɔɔ na, ki nyinn Israel teeb fei na ni, bi saa turɔ bee? Ŋaan Filistia nirɔ nba ki waa Yennu na mun tee ŋmee ki saa fit pak biir Yennu nba fo na kunkɔnkɔnna?”

1 Samuel 17:36

Min a daabir ban kpii yanbɔra nan naamuuta, ki Filistia nirɔ nba ki waa Yennu na sii tee nan bi yenɔ nae, kimaan u butin Yennu nba fo na kunkɔnkɔnnawa.