1 Jɔɔnn 3:14 - Yennu Gbouŋ Mɔɔr

¹⁴ Taa loon ti naa waas na, ŋanne want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li lonbooru, ŋɔɔ ŋarin biar be kuun paŋ nie.

Yennu Gbounpaauŋ Mɔɔr

¹⁴ Ta loon ti naa walees na, ŋannii want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li loonbooru, ŋɔɔ ŋarin biar be kuun paŋ nie.

1 Jɔɔnn 3:14 Iomraidhean Croise

Yaŋ 16:3

Yennu niib nba teenɔ yada na, ŋamme be fanu. N parmaasir kur tee mii be bi boore.

Barjokit 21:16

Wunba yêen dudukŋant, kuun see li daanɔ tammɔb ni ki guu-u.

Matiu 25:40

Ki min Bat mun tan saa jiin a ‘Barmɔniie ki n beeri na, yaa din tun linba ki tur wunba tee tatimɔɔ n naa waas sinsuuk ni na, i din tuun ki teen mine.’

Barŋanii nba ki LUK din sɔb nae na 15:24

N tuu mi a n bija na kpoe, ŋaan ki u be; ki bia mi a u bote, ŋaan ki u tan jenna.’ Ŋanne ki bi ji piin bi jaamm dinu ki mɔk parpeenn.

Barŋanii nba ki LUK din sɔb nae na 15:32

Li ŋan nan tin teen jaamm kii mɔk parpeenn, kimaan n tuu mi a a waarɔ na kpoe, ŋaan ki u be; ki bia mi a u bote, ŋaan ki u tan jenna.’ ”

Barŋanii nba ki LUK din sɔb nae na 7:5

kimaan u loon ti niib. U bia maa Yenjiantu diiuk ki turita gbaa.”

Jɔɔnn 13:35

Li-i tee ki i loon i leeb, sɔɔ kur saa bann nan i tee n poorpoweiteebe.”

Jɔɔnn 15:12

Nae tee n sennu ki n senn turi, maa yii loon i leeb nan maa looni biaŋinba na.

Jɔɔnn 15:17

Linba nae ki n senni, maa yii loon i leeb.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

2 Korint teeb 5:1

Tɔn, ti mi nan gbanant nba ki ti mɔk mɔtana na-i taŋi kpo, ti mɔk ŋaak nba ki Yennu saa turit sanpaapo, ki li ki tee nisaarik kaa maa ŋaak maŋi, ki li bia tan sii be nan yoo nba kaa gbennu.

Galasia teeb 5:22

Ŋaan Yennu Seyeeŋe te ki nirɔ mɔk lomm, nan parpeenn, nan parmaasir, nan sukuru, nan burchint, nan ŋamm, nan binbenŋaŋ,

Efesus teeb 1:15

Li paak, yoo nba ki n din gbat yaa teen ti Yomdaanɔ Yiisa yada, nan yaa loon Yennu niib biaŋinba na nan dinna,

Efesus teeb 2:1

Yoo nba din gar na, i mɔyêtuk nan biit tumu paak, ki li tee nan i kpoe na.

Efesus teeb 2:5

li paak, taa din yêt Yennu mɔb, ki li tee nan ti kpoe na yoo nba, li yooe, ki u nyinnit kuun ni, ki kɔɔnit manfoor ni, Masia paak; Yennu ninbatinu paak ki i tinn.

Kolosa teeb 1:4

kimaan ti gbat yaa teen Yiisa Masia yada biaŋinba, ki bia loon Yennu niib kura na,

1 Tesalonika teeb 4:9

Li ki kpaa talas ki tin sɔb gbouŋ ki tiari yaa sii loon Masiaweira biaŋinba. Yennu poŋ wanni biaŋinba ki i sii loon i leeba.

Hiibru teeb 13:1

Yaa tee Masiaweira na paak, ii loon i leeb man yoo kur.

1 Piita 1:22

Yaa gaar Masia labaar nae ki i nyii biit ni, ki ji loon i naa waas nan barmɔnii; li paak, ii loon i leeb man nan i para kura.

1 Piita 3:8

Linba biar tee nnae; i kur-ii mɔk dudukyenn man, ki i baka-ii be i leeb ni, kii mɔk lomm nan Masiaweira, kii tiin i leeb ninbaauk, kii sikint i mɔŋ.

2 Piita 1:7

ki bia pukin naataann i yentinu maŋ paak; ki bia pukin lomm i naataann maŋ paak.

1 Jɔɔnn 2:3

Ti-i dia Yennu sennii, ŋanne saa wann nan ti set miu,

1 Jɔɔnn 3:23

Linba nae tee u sennu maŋ, a ti teen u Bija Yiisa Masia yada, kii loon ti leeb nan waa sennit biaŋinba na.

1 Jɔɔnn 4:12

Sɔɔ kaa ki mi la Yennu nan u ninbina, ŋaan ti-i loon ti leebie, Yennu sii yɔɔ be ti ni, ki ti sii mɔk lomm nba ki u teent na nan barmɔnii.

1 Jɔɔnn 5:13

N sɔbin gbouŋ na ki teen yimm nba teen Yennu Bija yada nae, kimaan n loon ki i bann nan i mɔk manfoor nba kaa gbennu.

1 Jɔɔnn 5:2

Li-i tee ki ti loon Yennu ki tuun linba ki u sennii want na, ŋanne saa te ki tin bann nan ti loon Yennu waas;