1 Jɔɔnn 2:16 - Yennu Gbouŋ Mɔɔr

¹⁶ Niib mɔk niɔŋ nan bin tun bi mɔŋ loomm, ki bia nian bona nba ki bi laat na, ki bia mɔk parbifaant, ŋaan linba na kur lek tee tingbouŋ na ŋaateeb niɔŋo; li ki nyii ti Baa Yennu boor kaa.

Yennu Gbounpaauŋ Mɔɔr

¹⁶ Niib mɔk niauŋ nan bin tun bi mɔŋ loomm, ki bia nian bona nba ki bi laat na paak, ki bia mɔk parbifaant, ŋaan linba na kur lek tee tingbouŋ na ŋaateeb niauŋo; li ki nyii ti Baa Yennu boor ni kaa.

1 Jɔɔnn 2:16 Iomraidhean Croise

Pinpiik 3:6

Ki poo na la ki tiik na ŋan nan dinu, ki u numm gboo tiik maŋ, ki u mɔk niɔŋ nan wun di lɔɔna na kii sub. Ki u pɔɔr tiik na lɔɔna ki dii, ki bia tur u sɔrɔ, ki u mun dii.

Pinpiik 6:2

Ki nijaana din laat nisaarii bonpoi na ki bi fan bonchiann, ki bi gani kɔɔnt.

JOB labaar 31:1

Ki n por kat nan n kan ban got sapaamɔ ki n niɔŋ n kɔɔu.

Yaŋ 73:6

Li paak ki bi jii garuk ki tuun ki li tee tuliat, ki jii kpikpiruk ki pin ki li tee nan chinchenn na;

Yaŋ 78:18

Bi lek din miewa ŋaan bikin Yennu, ki boi jeet nba ki bi nian po.

Yaŋ 78:30

Bi bia lek din ki fit nyinn bi niɔŋ, ŋaan bia daa ŋman,

Barjokit 27:20

Nisaarik bonlonkara ki gbent nan kpeentiŋ nba kan ban gbee nae.

Barjokit 6:25

A daa te ki a niɔŋ kɔɔ bi fant na ni, ki daa te ki bi nanyuk-ningorsin na tee baruk ki tura ni.

Daniel 4:30

ki yet a, “Gotir Babilonn nba yab biaŋinba. Mine maar, a lii tee n digbansaakar, ki man wann n paŋ nan yiikoo nan baakir nan n yabint nba tee.”

Nikant 11:34

Leŋ maŋ bi din purir Kibrof Hatafa (ki li paak tee “nianbiiuk kaat”), kimaan baa din pii binba mɔk nianchiɔŋ leŋ na.

Nikant 11:4

Boorganu din pukin Israel teeb po, ki niaru din tan mɔkib ki bi loon nant, ki Israel teeb na gbaa din fabin nant po ki yaa a “Li-i bonni tee ki ti saa la nant, ti bo saa ŋmama.

Matiu 4:8

Ki Sintaanii bia jiiu ki saan nanɔ kunkonn nba fɔk bonchiann paak, ki saa wannɔ tingbouŋ na yent kur nan li mɔkint,

Matiu 5:28

ŋaan min ŋarin beerie nan wunba got poo ki u niɔŋ kɔɔu, u chomm nanɔ u par niwa.

Barŋanii nba ki LUK din sɔb nae na 4:5

Li poorpoe ki Sintaanii ji jiiu ki doo nanɔ sanpaapo, ki saa wannɔ tingbouŋ na yent kur yiama,

Rom Teeb 13:14

Ii tee nan ti Yomdaanɔ Yiisa Masia nba tee biaŋinba na, ŋaan nyik i gbanant loonbiit, ki ji daa dukii li po.

1 Korint teeb 10:6

Li paak, li tee nyinne ki kpaanit, a ti daa loon biit nan baa din loon biaŋinba na.

Galasia teeb 5:17

Kimaan nisaarik loomm nan Seyeeŋ maŋ loomm ki waa leeri. Loomm nba taar munlee na tee dataie nan leeb i ni; li paak, i ki tuun yaa loon linba.

Galasia teeb 5:24

Ki Yiisa Masia nba yen binba na ŋarin poŋ kpii bi nisaarik binbeŋ nan li loonbiit kura.

Efesus teeb 2:3

Barmɔnii, ti kura mun din naan nan li nibooru nae, ki waa ti gbanant niɔŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Taitus 2:12

Li ninbatinue wannit a tin nyik linba kur ki tee yentinu na, nan tingbouŋ na loonbiit, ŋaan dia ti mɔŋ, kii be fanu, kii tiin Yennu, tingbouŋ na ni,

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ki tee funfunn damm, ki ki loon ti leeb, ki bi mun ki loont.

Jeems 3:15

Li yan ki nyi Yennu boor kaa, li tee tingbouŋ na nan gbanant loomm nan Sintaanii yare,

Jeems 4:16

Ŋaan i mɔk karinbaaniie ki nyu bara. Yaa nyu bara biaŋinba na, li ki ŋani.

Joosua 7:21

Bona nba ki ti daan fat na ni, n daan la Babilonn doo liant ki li ŋan, ki bia la salimpeena, ki li kpaiu sii tee nan sinpeenii bɔrik-gbina ŋanlee na, nan salimmɔna laaku, ki li kpaiu tee nan sinpeenii bɔrik-gbinn kpaiu na. N niɔŋ daan be leŋ bonchiann, ki n jiir. Li pii n lanbouŋ ni, ki salimpeena na be tiŋ po.”

1 Piita 1:14

Ii sak Yennu mɔb man, ki ji daa waa loonbiit nba ki i din waa, yoo nba ki i din ki mi Yiisa Masia na.

1 Piita 2:11

N naa walonkai, yaa tee saamm tingbouŋ na ni na, n kpaaniie a ii nyik gbanant loonbiit nba kɔn nan i sei na,

2 Piita 2:10

Niib nba waa bi gbanant loonbiit ki chomm, ki sian yudamm, Yennu tan saa dat li damm tuba ki gar waa tan saa dat nileeb tuba biaŋinbawa. Faak wannteeb nba be i sinsuuk ni na tee tubkangbatae, bi ki tiin sɔɔ. Bi sukii malakanbae ki ki mɔk jaŋmaanii.

2 Piita 2:18

Bi piak karinbaanbarii nba ki mɔk nyɔɔte, a bin kpann niib nba yiab bi mɔŋ a bin nyi biitdamm ni na, ki kpannib a bii tuun gbanant loonbiit nan bonchonchonsin,