Jeems 4:8 - Yennu Gbounpaauŋ Mɔɔr

⁸ Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.

Yennu Gbouŋ Mɔɔr

⁸ Chatir nakin Yennu man, ki u mun saa nakini. Yimm biitdamm, wuut i nii man; yimm dudukit ŋanleledamm maŋ, ŋammit i para man.

Jeems 4:8 Iomraidhean Croise

Matiu 12:33

Ki Yisa bia din yet a “Li-i tee ki tiik ŋan, u loon tilɔɔnŋanae; ŋaan li-i tee ki tiik ki ŋani, u sii loon lɔɔnbiite, kimaan tiik lɔɔna nie ki bi bantɔ.

Matiu 15:2

“Bee ki a poorpoweiteeb ki waa ti yejamm kaari? Kimaan bi ki waa ti kaar nba yaa a ti tuu nit ti niiwa ŋaan di na.”

Matiu 27:24

Pailat nba bann nan u piak saa li kaa nyɔɔti, ki bia saa baar nan dataar mɔyêtuk na, ki u jii nyun ki wuur wuur u nii, niib na ninbina ni, ŋaan yet a “N nuu kaa jɔɔ nba kaa biit na sɔn nyinnu ni. I maame nawa!”

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

1 Timoti 2:8

N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Jeems 1:8

kimaan u mɔk dudukit munnlee-e.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.