Jeems 4:11 - Yennu Gbounpaauŋ Mɔɔr

¹¹ N naa waas, i daa piak mabiit leeb paaki. Wunba piak mabiit u naa bik paak ki biirɔ, li tee Yennu sennue ki u piak mabiit li paak ki biir. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

Yennu Gbouŋ Mɔɔr

¹¹ N naa waas, i daa piak mabiit leeb paaki. Wunba piak mabiit u naa bik paak ki biirɔ, u piak biir Yennu sennue. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

Jeems 4:11 Iomraidhean Croise

Barŋanii nba ki LUK din sɔb nae na 6:37

“Daa bu nirɔ buuti ki Yennu kan bu a buuti. Daa piak nirɔ biir ki gbentɔ, ki Yennu kan biir ki gbennani. Nyikin chab niib ki Yennu sa nyik chaba mun.

Rom Teeb 2:1

Li paak, nifosaarik nba want u lɔɔ biit, u ki mɔk sɔnu, kimaan fa want a lɔɔ biit na, li want nan a mɔŋ mɔŋ mɔk biit, kimaan fa want a lɔɔ biit na, a mɔŋ mɔŋ mun tuun nnee.

Rom Teeb 2:13

Li ki tee a binba gbia sennu nee tee niŋamm Yennu boori, ŋaan li tee binba tuun biaŋinba ki sennu na wann na, ŋamme tee niŋamm u boor.

Rom Teeb 7:7

Li paak, ti sa yet a nlee? Ti sa yet a sennu na ki ŋan amii? Ti kan yet nna kaa. Sennu na-i bo-i kaa, n bo kan bann biit nba tee linba. Sennu na-i bo-i kii wann a n daa mɔk niauŋ n lɔɔ bont paaki, n bo kan bann niauŋ nba tee linba,

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

Efesus teeb 4:31

Yi nyik tonu binbeŋ kur, nan wutoor. Sɔɔ ji daa mɔk kunkɔnchiauŋ nan u lɔɔ, sɔɔ daa sukii u lɔɔ, ki bia nyik naŋ dudukit kura i ni.

1 Timoti 3:11

Li kpaa talas ki bi poob-ii munii mɔk binbenŋaŋ, ŋaan daa tee sanjanjanna. Li kpaa talas ki bii tee subindamm kii tuun bi toona kur fanu.

2 Timoti 3:3

bi tan kii mɔk loomm nan niibi, bi tan sii tee mɔlanfikdamme, ki kan soor bi mɔŋi, ki sii tee kpikpiruk damm; ki sii naan bonsosoot; bi tan sii nan toonŋanae,

Taitus 2:3

A bia kpaan poosaakab ki bii tee popeendamm. Bi daa tee sanjanjanna, ki daa nyu daan ki yibi. Li kpaa talas ki bii want linba ŋan,

Jeems 1:16

N naa walonkai, i daa te ki siar kpanniini.

Jeems 1:19

N naa waas, n loon yin bann nee; yii gbiintir yian, ŋaan kii mi biaŋinba ki i piak, ki bia daa dont wutoor yian yiami,

Jeems 1:25

Ŋaan wunba dukii sennŋann nba sa fit nyint niib biit daabsin ni, ŋaan ki tammir, ŋaan mɔk gbankur ki tuun biaŋinba ki li wann na, parpeenn sii tee li daanɔ yare, kimaan u tumu na paak.

Jeems 2:8

Li sɔb Yennu gbouŋ ni a “I loon a lɔɔ kaman nan fa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

Jeems 5:10

N naa waas, ti Yomdaanɔ Yennu sɔkiniinba nba din pak u sann ni na, gotir man ba din laat fara ki mɔk sukuru biaŋinba na, ki lii tee wannu ki turi.

Jeems 5:7

N naa waas, yii mɔk gbankur man kii guu ti Yomdaanɔ baaru daar maŋ. Gotir man kpaarɔ nba tuu mɔk gbankur ki guu kpafusaak mɔkmɔk nan sajoontik ki u jeet-n ji tan nan bonŋann.

Jeems 5:9

N naa waas, i daa mɔk bunburimii i leeb paaki, ŋaan li-i tee ki i tuun nna, Yennu sa bu i buut. Gotir man, barbuurɔ na nakin ki see i tammɔi ni.

1 Piita 2:1

Ŋannimi, yi nyik biit kur, nan faak kur, nan kpinkpannii, nan funfunn, nan sanjaauŋ.