Jeems 4:1 - Yennu Gbounpaauŋ Mɔɔr

¹ Bee te ki i kɔn ki nɔi nan leebi? Li tee i nianbiiuk nba be i para ni ki kɔne.

Yennu Gbouŋ Mɔɔr

¹ Bee te ki i kɔn ki nɔi nan leebi? Nianbiiuk nba be i para ni nae kɔn.

Jeems 4:1 Iomraidhean Croise

Matiu 15:19

Kimaan nirɔ par nie ki dudukbiit nyi, nan nikpinu, nan bonchonchonn toona, nan nanyukin, nan faak siara, nan sanjaauŋ.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 7:23

ŋaan ki n laat sennsiar nba tuun n gbanant ni, ki li ki sak nan sennu nba ki n par loon na, ki lorin nan dansarkɔɔrɔ na, a n sak biit nba be n ni na.

Rom Teeb 7:5

Yoo nba ki ti din tuun ti gbanant loomm nee, ki sennu na te ki ti mɔk nianbiiuk ki li tuun ti gbanant ni, ki li baat nan linba tee kuun ti paak.

Rom Teeb 8:7

Fi-i jii a yan ki gaan nisaarik loomm ni, a tee Yennu dataake, ki ki saak Yennu sennu, ki set kan fit ki sakiri.

Galasia teeb 5:17

Kimaan nisaarik loomm nan Seyeeŋ maŋ loomm ki waa leebi. Loomm-nba taar munnlee na tee dataie nan leeb i ni; li paak, i kan fit tun ya loon linba fanu.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

2 Timoti 2:23

A tin ki nyik jatii nan li mɔniat. A poŋ mi nan li joontir nan kunkɔnae.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Taitus 3:9

Ŋaan nyik mɔnɔyanna, nan yejamm ni yaadindɔuŋ kannu, ki daa kɔn nan leeb, ki bia daa nɔi mɔniɔk sennu paak, kimaan linba na kura ki ŋan, ki ki mɔk nyɔsiati.

Jeems 1:14

Nirɔ-i loon wun tun u mɔŋ nianbiiuk toona, nnee tee bikinu.

Jeems 4:3

I mei Yennu ki ki laat kimaan i meiɔ ki loon i mɔŋ nianbiiuk yare.

1 Piita 1:14

I sak Yennu mɔb man, ki ji daa waa loonbiit nba ki i din waa yoo nba ki i din ki mi Yisa Masia na.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,