Jeems 3:9 - Yennu Gbounpaauŋ Mɔɔr

⁹ Jerinn nba ki ti dia ki piak dont ti Baa Yennu nba tee ti Yomdaanɔ na, li jerinne ki ti bia dia ki piak mabiit nifosaarii paak, binba ki Yennu din namm ki bi naan nan u mɔŋ.

Yennu Gbouŋ Mɔɔr

⁹ Jerinn nba ki ti dia ki piak dont ti Baa Yennu na, li jerinne ki ti bia dia piak mabiit a lin biir nisaarii, binba ki Yennu namm ki bi naan u mɔŋ na.

Jeems 3:9 Iomraidhean Croise

Matiu 26:74

Ki Piita por mɔb a li-i tee ki u faar faakie, Yennu-n dat u tubir, a ŋɔɔ ki mi jɔɔ maŋi. Li yoo maŋ ki kojouk bui.

Matiu 5:44

ŋaan min ŋanin beerie la, nan yii loon man i datai mun, kii yeen wunba sukii-i na a ‘Yennu mɔsonŋann-ii be a paak;’ kii tuun linba ŋan kii teen binba nami; kii mei Yennu kii teen binba dinti fara na.

Toona 2:26

Li paak n mɔk parpeenn ki piak parpeenn maan. Mi-i lekii taŋŋi kpo gbaa, ŋaan n sii mɔk dindann,

Rom Teeb 3:14

mɔpora nan mɔtont kuukɔɔe nyi bi mɔi ni.

1 Korint teeb 11:7

Li ki kpaa talas nan jɔɔ-n yir u yur siari, kimaan u naan nan Yennue ki bia tee Yennu paku; ŋaan poo ŋanin tee jɔɔe paku.

Efesus teeb 1:3

Ŋaant ki ti tur Yennu wunba tee ti Yomdaanɔ Yisa Masia Baa na niipoouk man, kimaan ta be Yisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

Jeems 3:10

Mɔb nba ki maŋamm nyi na ni, li mɔb maŋe ki mabiit mun nyi. N naa waas, li-i tee nnaie, li ki ŋani.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,