Jeems 3:6 - Yennu Gbounpaauŋ Mɔɔr

⁶ Jerinn tee kaman nan muu nee; li be ti gbanant ni ki mɔk biitbooru booru kura, ki sa fit biir ti gbanant kur ki bia di nifosaarik binbeŋ kaman nan muu na; ki li muu nyii Sintaanii boore.

Yennu Gbouŋ Mɔɔr

⁶ Jerinn tee nan muu nae; li tee ti gbanant bɔkire ki mɔk biitbooru booru, ki saa fit biir ti gbanant kur, ki bia di nisaarik binbeŋ nan muu na; li muu nyii Sintaanii boore.

Jeems 3:6 Iomraidhean Croise

Matiu 12:24

Ŋaan Farisiinba na nba din gbat nna maŋ, ki bi yaa a “Narinbiit bat Beelsebule teen jɔɔ maŋ yikoo a wuu nyint narinbiit niib ni.”

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki MAK din sɔb nae na 7:15

Bonsiar kaa ki sa kɔɔ nisaarik mɔb ni ki fit teenɔ jakint u par ni. Ŋaan linba nyi nisaarik par nie fit teenɔ jakint.

Barŋanii nba ki LUK din sɔb nae na 16:24

Ŋanne ki mɔkitɔɔ na yikin yet a ‘Chanbaa Abraham, tinimin ninbaauk, ki tun Lasarus ki wun pak u niibir nyun ni, ki tan teen n jerinn paak ki lin maak, kimaan n di farchiauŋo muu ni nna.’

Toona 20:30

Ki yoo bia baat ki nisiab tan sa nyi i mɔŋ mɔŋ sinsuuk ni, ki fa fai Yennu barmɔnii wannu po, ki biir Yisaweira, ki tunnii bi yan ki te ki bii waa ŋamme.

Toona 5:3

Ki Piita boiɔ a “Ananias, bee ki a ŋaan ki Sintaanii kɔɔ ki yent a par ni, ki a faar faak ki loon ki a kpann Yennu Seyeeŋ, ki paat likirii nba ki a daan kɔi a kpaab na paaki?

Toona 6:13

ki bi tan baar nan nisiab nna biak a bin faar faak, ki yet a “Yoo kur jɔɔ na yɔɔ piak ki biir Yennu jiantu ŋasaakak maŋ, nan Moses sennu nee,

Taitus 1:11

Li kpaa talas ki fin gɔɔr bi barii, kimaan bi likilonbiiuk paak ki bi lin want niib linba ki ŋan nan bii want, ki ŋmat ŋasai niib kur dudukit.

Jeems 2:7

Ŋamme bia piak biir Yisa Masia sanŋann nba ki Yennu turi na.

Jeems 3:7

Nisaarike mɔk bonkobit nan nɔɔnii nan wai nan nyun ni bona kur yaak,

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,

3 Jɔɔnn 1:10

Li paak, mi-i taŋŋi baar, n sa fiit linba kur ki u tun, nan bonbisiar nan faak nba ki u pak ki biirit na. Ŋaan biit nba ki u tuun maŋ na, li lek daa ki gboo u numm gbaa. Ti naa waas nba tuu tan baar u boor ni, u bia tuu ki gaanibi, ki damm nba tuu loon bin gaar ti naa waas maŋ saantuk, u bia tuu ber nyinnib Masiaweira lakinu maŋ nie.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 13:14

Ki Yennu nba chabɔ ki u tuun bakitnauŋ nyina na muuk ni bonkobsinsinn tɔɔnn na, ki u kpann tingbouŋ na teeb, ki betib a bin maa patir ki lii naan muuk ni bonkobuk nba la jukbanjiak daŋ ŋaan tan ki kpo na.

Fiitu 18:23

a fitir yentu ji kan yent doo maŋ ni; a jakunt nan pookɔɔnt ji sii kaa leŋ biaki. Doo maŋ ni kpinkpentae tuu tee tingbouŋ na paarib, ki doo maŋ niib bia lin dia nyɔku ki kpann tingbouŋ na niib kur;

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.