Jeems 3:2 - Yennu Gbounpaauŋ Mɔɔr

² Ti kur tun linba ki tokin bonchiann, ŋaan wunba ki piak mabiit, li daanɔ set tee niŋanɔe ki sa fit soor u gbanant kura.

Yennu Gbouŋ Mɔɔr

² Ti kur tuun linba ki took sɔnii bonchiann ni, ŋaan wunba ki piak mabiit, li daanɔe set tee wunba chee, ki saa fit soor u mɔŋ.

Jeems 3:2 Iomraidhean Croise

Matiu 12:34

Yimm walabirii booru na, ya tee nifobiit biaŋinba na, nlee ki barŋanii sa fit nyi i mɔi ni? kimaan linba ki nifosaarik dukii u par ni, ŋanne bia nyi u mɔb ni.

Matiu 12:37

kimaan sɔɔ kur pinpako tan sa nyinnɔ daar maŋ ni; sɔɔ kur pinpako mun bia tan sa biirɔ.”

Rom Teeb 3:10

kaman nan la sɔb Yennu gbouŋ ni a “Sɔɔ kaa ki tee niŋanɔ, aaii, nan yenɔkɔɔwa gbaa.

Rom Teeb 7:21

N la ki bonsiar be n ni yoo kura, mi-i yaa n tun linba ŋan, ŋaan biit bia lek tuu be nanin.

1 Korint teeb 9:27

N ki loon min nba mɔɔntir barŋanii na ki teen niib na-n tan kɔŋ piinii na. Ŋannii teen ki n mukis n gbanant ki u saakin.

Galasia teeb 3:22

Ŋaan li sɔb Yennu gbouŋ ni a sɔɔ kur saaka mɔk biite, a Yennu-n tur binba teen Yisa Masia yada na piinii nba ki u din senn mɔsonn a u sa turib na; bi yada maŋ paake ki u sa turib.

Galasia teeb 5:17

Kimaan nisaarik loomm nan Seyeeŋ maŋ loomm ki waa leebi. Loomm-nba taar munnlee na tee dataie nan leeb i ni; li paak, i kan fit tun ya loon linba fanu.

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

Jeems 1:4

Ŋaant man kii ŋamm kii mɔk gbankur fanu nan li joontu, ki i tan kan kɔŋ binbenŋaŋi.

Jeems 2:10

Wunba sak ki wei sennu na kur, ŋaan tan biir sennii maŋ yenn, li want nan u biir sennii na kure.

1 Piita 3:10

Kimaan li sɔb Yennu gbouŋ ni a “Wunba loon parpeenn manfoor, ki loon wun tan la daa nba ŋan, wun nyinn u mɔŋ barbiit nan faak maan ni,

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.