Jeems 2:8 - Yennu Gbounpaauŋ Mɔɔr

⁸ Li sɔb Yennu gbouŋ ni a “I loon a lɔɔ kaman nan fa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

Yennu Gbouŋ Mɔɔr

⁸ Li sɔb Yennu gbouŋ ni a, “Ii loon a lɔɔ nan faa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

Jeems 2:8 Iomraidhean Croise

Matiu 22:39

Linba pukin ŋannlee ni ki kpaa barkpaann mun bia tee nnee, ‘I loon a lɔɔ kaman nan fa loon a mɔŋ biaŋinba na.’

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 7:12

“Biaŋinba ki a loon sɔɔ-ii tuun kii teena na, i mun-ii tuun nna kii teen a leeb; kimaan Yennu sennu nan u sɔkiniinba wannu na ni want nnee.

Rom Teeb 13:10

Ki fi-i loon a lɔɔ, a kan tun bonbiir ki turɔ; kimaan niib loommu tee Yennu sennu gbeenu.

Galasia teeb 5:14

Kimaan sennu maŋ yur yet a “I loon a lɔɔ kaman nan fa loon a mɔŋ biaŋinba na.”

Galasia teeb 6:2

Yi jii i leeb jikpiata man, ki sak Masia sennu.

Filipi teeb 4:14

Ŋaan i daan tun fanu bonchiann nan ya daan sommin n fara dinu ni na.

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

Jeems 1:25

Ŋaan wunba dukii sennŋann nba sa fit nyint niib biit daabsin ni, ŋaan ki tammir, ŋaan mɔk gbankur ki tuun biaŋinba ki li wann na, parpeenn sii tee li daanɔ yare, kimaan u tumu na paak.

Jeems 2:12

Yii piak ŋaan kii tuun kii mi nan Yennu tan sa jii sennu nba nyint niib biit daabsin ni nee, ki bu i buut.

Jeems 2:19

A teen yada nan Yen-yenɔkɔɔe be-ee? Li ŋan. Narinbiit mun teen yada nan Yen-yenɔkɔɔe be, ki bia jekir nan jaŋmaanii.

Jeems 4:11

N naa waas, i daa piak mabiit leeb paaki. Wunba piak mabiit u naa bik paak ki biirɔ, li tee Yennu sennue ki u piak mabiit li paak ki biir. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.