Jeems 1:5 - Yennu Gbounpaauŋ Mɔɔr

⁵ Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

Yennu Gbouŋ Mɔɔr

⁵ Li-i tee ki i sɔɔ pɔt yan, wun miar Yennu nba pi sɔɔ kur piinii nan burchint, ki ki dint sɔɔ fei na, ki u saa turɔwa.

Jeems 1:5 Iomraidhean Croise

Matiu 11:20

Li yoo na ki Yisa din piin ki piak biir doi nba daan la u bakitnauŋ toonjaana nba ki u daan tun leŋ, ŋaan ki bi yêt nan bin nyik bi biit na.

Barŋanii nba ki MAK din sɔb nae na 16:14

Li poorpoe biak ki Yisa poorpoweiteeb piik nan yenɔkɔɔ na din kar ki di jeet, ki u tan dɔkit bi paak, ki sarikitib bi yada pɔɔrin paak, nan bi tuba nba kpaa biaŋinba na paak, kimaan bi ki teen binba lau ki u fiir kuun ni na yada.

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

2 Korint teeb 2:16

Binba ki la tinnu na boor ni, ti tee kaman nan nubiru nba baat nan kuun nee, ŋaan binba la tinnu boor ni ŋanimiie, ti tee kaman nan nubiru nba baat nan manfoor nee.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 5:16

Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.