Jeems 1:12 - Yennu Gbounpaauŋ Mɔɔr

¹² Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Yennu Gbouŋ Mɔɔr

¹² Binba nyann bikinu, parpeenn tee bi yare, kimaan Yennu saa turib nyɔɔt nba tee manfoor nba ki u din senn mɔsonn a u saa tur binba loonɔ na.

Jeems 1:12 Iomraidhean Croise

Matiu 10:22

Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa.

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Rom Teeb 5:4

ki sukuru mun baat nan binbenŋaŋ, ki binbenŋaŋ maŋ mun baat nan dindann,

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

1 Korint teeb 2:9

Li sɔb Yennu gbouŋ ni a “Linba ki nirɔ ki la, ki bia ki gbati, ki bia ki dukin a li sa fit teen na, ŋanne ki Yennu teen siir ki guun binba loonɔ na.”

1 Korint teeb 8:3

Daanɔ nba loon Yennu, ŋɔɔe ki Yennu miu.

1 Korint teeb 9:25

Nantatinna kur so bi mɔŋe bont kur ni a bin gaar piinii nba ki wa nan lin gbenni; ŋaan timm so ti mɔŋ a ti tan gaar piinii nba kaa gbennu.

2 Timoti 2:15

Yabit a mɔŋ paak ki Yennu-n paka, kii tee toontunnɔ nba dia barmɔnii mɔmaan ki want niib fanu ki tan kan di fei u toona paak.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 10:32

I tian man yoo nba gar na labaar; Yennu yentu nba din yent i paak yoonba, i din di fara bonchiann, ŋaan li farsiar din ki nyanniini.

Hiibru teeb 11:17

Yoo nba ki Yennu din bikin Abraham na, u yada paake biak ki u din jii u bija Aisak, a wun mann mannu ki tur Yennu. Gotir, ŋɔɔ Abraham nba din gaar Yennu mɔsona maŋ na, u tiauŋ bia din jii u bijayemmir a wun mann mannu tur Yennu.

Hiibru teeb 12:5

I ki tian Yennu nba kpaani kaman nan baa nba tuu kpaan u waas biaŋinba na-aa? Li sɔb a “N bik, ti Yomdaanɔ-i kpaana kpaanii yoonba, fan gbiint, li-i tee ki u dat a tubir, fa daa nyikit a yabiru,

Hiibru teeb 6:15

Ki Abraham din mɔk sukurue, ki tan gaar linba ki Yennu din senn mɔsonn a wun tan turɔ na.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

Jeems 5:11

Li nibooru nba mɔk sukuru na, ti yib parpeenn damme. I poŋ gbat Job nba din tan mɔk sukuru biaŋinba na, ki li poorpo ki Yennu din tan nyinnɔ u fara ni. Li want Yennu nba mɔk ninbatinu ki tinit ninbaauk biaŋinbae.

1 Piita 3:14

Ŋaan li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, i bia daa te ki li daamiini.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann be i ni.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.

1 Jɔɔnn 4:19

Yennue sint loonit; ŋanne teen ki ti mun mɔk loomm.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.