Jeems 1:10 - Yennu Gbounpaauŋ Mɔɔr

¹⁰ ki ti naa waas nba mun tee mɔkita-ii munii mɔk yuugontir Yennu nba sikinib na paak, kimaan li kan yukiri ki bi sa gar kaman nan tipuuk nba tuu koor ki baa na;

Yennu Gbouŋ Mɔɔr

¹⁰ ki ti naa waas nba tee mɔkita-ii munii mɔk yuugontir Yennu nba sikinib na paak, kimaan li kan yukiri ki bi saa gar nan mɔɔt puuk nba tuu koor ki baa na;

Jeems 1:10 Iomraidhean Croise

Matiu 5:3

“Binba mi bi mɔŋ nan bi namii, parpeenn tee bi yare, kimaan Yennu naan tee bi yare.

Matiu 6:30

Mɔɔt nba be dinna, ŋaan wonn ki bi joo muuwa na, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

1 Korint teeb 7:31

ki binba di tingbouŋ na manu, li ŋan ki bii be kaman nan bi baka kaa leŋ na. Kimaan tingbouŋ na nba tee biaŋinba mɔtana, li sa gara.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

1 Timoti 6:17

A kpaan mɔkita na a bi daa mɔk dontinmɔŋ amii bin teen bi dindann mɔkint nba tee wouŋ na ni; ŋaan bin teen bi dindann kur Yennu ni; ŋɔɔe turit bonsiar kur a ti gaar kii mɔk parpeenn.

Jeems 4:14

i ki mi linba sa baar wonni. I manfoor tee bee? Li tee kaman nan wunn nba tuu nyi sanyiɔk ni, ŋaan li-i yann lin ŋmat kɔɔ nee.

1 Piita 1:24

Li sɔb Yennu gbouŋ ni a “Nisaarik kur tee kaman nan mɔɔt nee, ki u fant tee kaman nan tipuuk na. Mɔɔt jɔɔkit ki li puut suur baa,

1 Jɔɔnn 2:17

Tingbouŋ na tan sa gbenn, ki tingbouŋ na ŋaateeb niauŋ na mun bia sa gbenn, ŋaan wunba tuun Yennu yanbɔɔtoona, ŋɔɔe tan sii be mɔkmɔk nan yoo nba kaa gbennu.