Jeems 1:1 - Yennu Gbounpaauŋ Mɔɔr

¹ Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

Yennu Gbouŋ Mɔɔr

¹ Min Jeems nba tee Yennu toontunnɔ ki bia tee ti Yomdaanɔ Yiisa Masia toontunnɔ na foont Israel booru piik nan ŋanlee nba yat ki be tingbouŋ na kur po.

Jeems 1:1 Iomraidhean Croise

Matiu 10:3

nan Filip nan Batolomiu; nan Tomas, nan Matiu wunba din tee lampogaartɔɔ na; nan Jems wunba din tee Alfeus bik na, nan Tadeus;

Matiu 13:55

Waa, kanpinta bik na kaa na-aa? U naa kaa tee Mari na-aa? U waarii kaa tee Jems nan Josef nan Simon nan Judas na-aa?

Matiu 19:28

Ŋanne ki Yisa jiin ki betib a “Barmɔniie ki n beeri na, yoo nba ki min nisaarik Bik na tan kar n naangbant paak nan paŋ bonchiann dunia paann na ni, yimm nba tee n poorpoweiteeb na mun tan sa kar naangbant piik nan ŋannlee paake, kii bu Israel teeb booru piik nan bannlee na buut.

Barŋanii nba ki MAK din sɔb nae na 3:18

nan Andru nan Filip, nan Batolomiu, nan Matiu, nan Tomas, nan Jems wunba din tee Alfeus bik, nan Tadeus, nan Simon wunba din loon ŋamm Juu teeb-ii yen bi mɔŋ,

Barŋanii nba ki LUK din sɔb nae na 22:30

ki yin di ki nyu nanin n naan ni, ki i tan sa kar naangbant paak ki bu Israel teeb booru piik nan bannlee na buut.”

Barŋanii nba ki LUK din sɔb nae na 6:15

nan Matiu nan Tomas, nan Jems nba din tee Alfeus bik na, nan Simon (wunba ki bi din yiu Nikakitik na),

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Toona 1:13

Ba baar Jerusalem yoonba ki bi saan kɔɔ ŋaak nba ki bi tuu be na ni ki doo ditɔɔtuk paak. Binba din kɔɔ maŋ din tee Piita nan Jɔɔnn nan Jems nan Andru nan Filip nan Tomas nan Batolomiu nan Matiu nan Jems wunba din tee Alfeus bik, nan Simon Nikakitik, nan Judas wunba tee sɔɔ nna ki bi yiu Jems na bik;

Toona 12:17

Ki u donn nuu a bin ŋmin, ŋaan wannib biaŋinba ki ti Yomdaanɔ nyinnɔ dansarik ni; ki u betib a “I saa man, ki saa bet Jems nan Yisaweira leeb linba na po.” Li poorpo ki u nyikib ŋaan yaat saan siar po.

Toona 15:13

Ba betib gbenn yoonba, ki Jems yetib a “N naa waas, gbiintirin man,

Toona 15:21

Moses sennu ŋarin, binba mɔɔntir sennu maŋe be, kimaan yaayoo niewa ki tan tuu dinna, bi poŋ tuu karin u sennu gbouŋ ni, Yenjiantu diit ni, foon daa kura.”

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 2:5

Ki Juu teeb nba tee yentina mun din be Jerusalem li yoo, binba nyii tinii kur po tingbouŋ na ki baar leŋ.

Toona 21:18

Ki li yent sanyiɔk, ki timm nan Pɔɔl saan a ti saa foont Jems. Yisaweira saakab kura mun din be leŋ li yoo.

Toona 23:26

“Min Klɔdius Lisiase sɔbin gbouŋ na, ki teen Chanbaa yudaanɔ Fiiliks, n foonta.

Toona 26:7

Li mɔsonn maŋ paake ki timm Juu teeb booru piik nan munnlee tuu mɔk dindann ki dukii nan ti tan sa la. Li paak te ki bi jiantir Yennu nan nunmɔnn yennu nan nyiɔk na. Chanbaa Agripa, li dindann maŋ paakera, ki Juu teeb paanin maan na.

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Galasia teeb 1:19

Li-i kii tee ti Yomdaanɔ Yisa naa bik Jemsi kaa, ŋaan n din ki la toomiinba na sɔɔ.

Galasia teeb 2:12

Jems din tun Juu tesiab Antiok doo ni. Ba din daa ki baar yoonba na, Piita nan binba ki tee Juu teeb din lakin di jeet, ŋaan ba tan baar yoonba ki u ji ki sak a u sa di nammi, kimaan u din tiin niib nba teen punkokitu yada nee.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

2 Timoti 4:21

Yabit ki baar nnawa ki tinkook-n do. Yubulus nan Pudens nan Linus nan Klɔdia teena bi foontii; ki Masiaweira kura bia foonta.

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

1 Piita 1:1

Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 7:4

Ki n gbat binba ki bi dɔkib nan Yennu dɔk na kann, ki bi tee niib tuskobik nan tusa piinna nan tusa ŋanna, binba nyii Israel nibooru kur ni. Ki niib tusa piik nan ŋannlee nyii Juda booru ni, ki niib tusa piik nan ŋannlee mun nyii Ruben booru ni, ki niib tusa piik nan ŋannlee mun nyii Gad booru ni, ki niib tusa piik nan ŋannlee mun nyii Aser booru ni, ki niib tusa piik nan ŋannlee mun nyii Naftali booru ni, ki niib tusa piik nan ŋannlee mun nyii Manase booru ni, ki niib tusa piik nan ŋannlee mun nyii Simeon booru ni, ki niib tusa piik nan ŋannlee mun nyii Liifai booru ni, ki niib tusa piik nan ŋannlee mun nyii Isakar booru ni, ki niib tusa piik nan ŋannlee mun nyii Sebulun booru ni, ki niib tusa piik nan ŋannlee mun nyii Josef booru ni, ki niib tusa piik nan ŋannlee mun nyii Benjamin booru ni.