Filipi teeb 1:12 - Yennu Gbounpaauŋ Mɔɔr

¹² N naa waas, n loon ki yin bann nan linba kura tumin na somm barŋanii maŋ a lin saan tɔɔnne nan barmɔnii.

Yennu Gbouŋ Mɔɔr

¹² N naa waas, n loon ki yin bann nan linba kura tumin na somm barŋanii maŋ, a lin saan tɔɔnne nan barmɔnii.

Filipi teeb 1:12 Iomraidhean Croise

Barŋanii nba ki LUK din sɔb nae na 21:13

Ki ŋanne tan sa te ki i la yaak nba sa pak n po ki turib.

Toona 8:4

Yisaweira nba din nyii ki yat na ji din saa lokir kur poe ki mɔɔntir Yisa maan maŋ;

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

Rom Teeb 8:37

Ŋaan nan linba na kur li tee yanne, kimaan ti la nyannu kura Yisa Masia wunba loont na paak.

Filipi teeb 1:5

kimaan ya sommitin biaŋinba barŋanii toona maŋ pinpiik niwa nan mɔtana na paak.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 2:22

I mɔŋ mi wa tun biaŋinba ki wann u kotir biaŋinba po, nan wa tuun nanin barŋanii toona ni kaman nan bik nba tuun nan u baa biaŋinba na.

Filipi teeb 4:15

Yimm Filipi teeb mi nan ma din mɔɔntir Masia barŋanii pinpiik niwa, yoo nba ki n din nyii Masedonia tiŋ ni na, yimm kuukɔɔe din tee Masia niib nba sommitin; ki i gaan piinii nba tee Yennu Seyeeŋ yar na n boor ni, ŋaan mun teenin i piinii nba tee tingbouŋ na yar.

Filipi teeb 4:3

Ki fin nba mun tee n weinanlɔɔ nan barmɔnii, n loon ki fin somm poob bannlee maŋ, kimaan ŋamm nan Klement nan binba kur tee n toontunleeb ki bi sana be Yennu manfoor gbouŋ ni na din lakin tun nanin bonchiann barŋanii maŋ mɔnu ni.

1 Timoti 2:8

N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.