Filemonn 1:17 - Yennu Gbounpaauŋ Mɔɔr

¹⁷ Li paak, li-i tee ki a dukii a n tee a yɔɔkie, fan gaarɔ kaman nan fa bo sa gaar min biaŋinba na.

Yennu Gbouŋ Mɔɔr

¹⁷ Li paak, li-i tee ki a mi a n tee a yɔɔkie, fan gaarɔ nan faa bo saa gaarin biaŋinba na.

Filemonn 1:17 Iomraidhean Croise

Matiu 10:40

“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak.

Matiu 18:5

Wunba gaar bik na booru n sann paak, mine ki u gaarin.”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Toona 16:15

Ki ti din wur ŋɔɔ nan u ŋaateeb Yennu nyunwuru. Ki u din gɔɔrit, ki yet a “Li-i tee ki i mi a n set tee ti Yomdaanɔ yada nan barmɔniie, yin baar kii be n ŋaak ni.” Ŋanne ki ti baar ki kɔɔ be.

2 Korint teeb 8:23

Nisɔɔ-i boi-i Taitus labaar po, yin betib a u tee n toontunlɔɔe wunba sommitin ki n beeri Masia barŋanii. Nisɔɔ-i boi-i ti naa waas nba waa Taitus na labaar po, yin betib a bi tee Masiaweira toontunnae, a bi binbenŋaŋ paake te ki niib dont Masia sann.

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

1 Timoti 6:2

Binba ki bi yomdamm tee Masiaweira na daa fiakit bi yomdamm maŋ, ba yib bi naa waas na paak, ŋaan li kpaa talas ki ŋamme-n mantik tun fanu, kimaan bi yomdamm nba gaan bi toona nyɔɔt na teen Masia yada, ki Yennu loonib. I wantib kii kpaamm toona na po.

Filemonn 1:10

n meia ki teen Onesimus, wunba tee n bik, kimaan ma kɔɔ dansarik na n kpant u baae Masia ni.

Filemonn 1:12

Mɔtana, n tuumɔ a wun ŋmat a boor ni; ki n par loomm kura be u ni.

Filemonn 1:18

Li-i tee ki u biir a siar amii u dia a pansiarie, fan te ki man pa li pann.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,