Filemonn 1:14 - Yennu Gbounpaauŋ Mɔɔr

¹⁴ N ki loon ki n mukisa kaa ki a sommimi, ŋaan n loon ki a sommin nan a mɔŋ par ni loomme. N ki loon ki n tun siar ki li ki tee a mɔŋ par loommi.

Yennu Gbouŋ Mɔɔr

¹⁴ Ŋaan n ki loon ki n mukisa kaa ki a sommimi, ŋaan n loon ki a sommin nan a mɔŋ loomme. N ki loon ki n tun siar ki li ki tee a loommi.

Filemonn 1:14 Iomraidhean Croise

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

1 Korint teeb 9:7

Lanjima lannɔe tuun toonn ŋaan pa u mɔŋi? ki ŋmee sii wuu tiinii ŋaan kan di li lɔɔna? amii ŋmee sii kpaar bonkobit ŋaan kan nyu li biimi?

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

2 Korint teeb 8:12

Nisɔɔ nba loon ki wun tur Yennu piinii, ŋaan turɔ kaman nan wa mɔk biaŋinba, Yennu sa gaara. Yennu ki loon ki nirɔ-n turɔ ki gar wa mɔk linba.

2 Korint teeb 9:5

Li paak, n dukin a li ŋan ki n barin ti naa waas na ki bin dɔŋ gar n tɔɔnn po ki saan i boor ni ki saa sommi ki yin gaar likirii maŋ kaman nan ya daan senn i mɔsonn biaŋinba na, ki mi-i taŋŋi baar yoonba man la ki i poŋ gaar tonta. Ŋanne sa wann nan i gaarir nan i mɔŋ loomm nee, ŋaan ki sɔɔ kaa mia-i ki i gaari.

2 Korint teeb 9:7

Wunba kur dukin u par ni a wun pi piinii biaŋinba, li yɔɔ-n pi nna, ki daa piin nan parbiiri, amii ki pi nan muksuku, kimaan Yennu loon nisɔɔ nba piin piinii nan parpeenne.