Filemonn 1:12 - Yennu Gbounpaauŋ Mɔɔr

¹² Mɔtana, n tuumɔ a wun ŋmat a boor ni; ki n par loomm kura be u ni.

Yennu Gbouŋ Mɔɔr

¹² Mɔtana, n yaa wun ŋmat a boore; ki n par kur be u ni.

Filemonn 1:12 Iomraidhean Croise

Barŋanii nba ki MAK din sɔb nae na 11:25

Li-i tee ki i yaa yin miar Yennu, ŋaan tiar nan sɔɔ tun biit ki biiri, yin nyik chabɔ, ki i Baa Yennu nba be sanpaapo na mun sa nyik i biit nba ki i tun ki chabi.

Barŋanii nba ki LUK din sɔb nae na 15:20

Ŋanne ki u ji fiir ki ŋmat ki kun u baa boor. “Yoo nba ki u daa din be banfɔkir ki kun na, ki u chanbaa lau; ki ninbaauk soorɔ bonchiann, ki u chiar ki baar soor u bik na bɔpiat ki puur wɔbɔ.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

Filemonn 1:11

Sinsinn na, u daan tuu ki mɔk nyɔɔt ki turani, ŋaan mɔtana u ji mɔk nyɔɔt bonchiann ki teen min nan fin kura.

Filemonn 1:13

N bo loon ki mii diau n boor ni nna na ki wun gaar a paak ki sommin yoo nba ki n kɔɔ dansarik Masia barŋanii paak na.