Filemonn 1:1 - Yennu Gbounpaauŋ Mɔɔr

¹ Min Pɔɔl wunba kɔɔ dansarik Yisa Masia sann paak na, nan ti naa bik Timoti sɔbin gbouŋ na ki teen ti toontunlɔɔ Filemon wunba ki ti loonɔ na,

Yennu Gbouŋ Mɔɔr

¹ Min Pɔɔl nba be dansarik ni Yiisa Masia sann paak na, nan ti naa bik Timoti-e sɔbin gbouŋ na ki teen fin ti toontunnanlɔɔ Filemonn nba ki ti loona na,

Filemonn 1:1 Iomraidhean Croise

Toona 16:1

Li poorpoe ki Pɔɔl nan Sailas din tan baar Debe nan Listra, ki la Yisaweitɔsɔɔ, ki u sann yi Timoti, ki u be leŋ. U naa din tee Juu nirɔ nba tee Yisaweirɔe, ŋaan ki u baa din tee Griik nirɔ.

1 Korint teeb 3:9

Ti lakin tuun ki teen Yennue. I tee kaman nan Yennu kpaab nee, ki bia tee kaman nan Yennu diiuk na.

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Efesus teeb 3:1

Linba na paake te ki min Pɔɔl wunba kɔɔ dansarik Yisa Masia toona paak na, n lek mei Yennu yimm nba ki tee Juu teeb na paak.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 6:20

kimaan li paake ki n tee toomii ki kɔɔ dansarik ni. Yii mei Yennu ki turin ki man mɔn barŋanii maŋ nan parcheenn kaman nan la kpaa talas nan man pak biaŋinba na.

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

Filipi teeb 2:25

N dukin ki li kpaa talase nan man tun ti naa bik Epafrodaitus, wunba tuun nan nunmɔnn ki gbaa a wun sommin nan Masia toonn, ŋɔɔe bia tee wunba ki i daan teenɔ i toomii ki u daan sommin na.

Filipi teeb 4:3

Ki fin nba mun tee n weinanlɔɔ nan barmɔnii, n loon ki fin somm poob bannlee maŋ, kimaan ŋamm nan Klement nan binba kur tee n toontunleeb ki bi sana be Yennu manfoor gbouŋ ni na din lakin tun nanin bonchiann barŋanii maŋ mɔnu ni.

Kolosa teeb 1:1

Min Pɔɔl, wunba tee Yisa Masia toomii Yennu loomm paak na, nan ti naa bik Timoti, sɔbin gbouŋ na

Kolosa teeb 4:11

Joshua, wunba sann yi Justus na mun teeni u foontii. Bi banntaa nba na kuukɔɔe tee Juu teeb nba waa Masia ki tuun nanin Yennu naan toona maŋ ni. Ki bi maak n par.

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

2 Tesalonika teeb 1:1

Min Pɔɔl nan Sailas nan Timoti sɔbin gbouŋ na ki teen ti Yomdaanɔ Yisa Masiaweira nba be Tesalonika ki bia tee Yennu yab na.

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

Filemonn 1:23

Epafras wunba ki min nan ŋɔɔ kɔɔ dansarik Yisa Masia paak na teena u foontii;

Filemonn 1:24

ki n toontunleeb, Mak, nan Aristakus, nan Demas, nan Luk, mun bia teena bi foontii.

Filemonn 1:9

ŋaan loomm paak ki n meia, min Pɔɔl nba tee saakɔɔ ki bia kɔɔ dansarik mɔtana Yisa Masia paak na,