1 Jɔɔnn 1:3 - Yennu Gbounpaauŋ Mɔɔr

³ Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

Yennu Gbouŋ Mɔɔr

³ Linba ki ti la ki bia gbate ki ti mɔɔntir ki teeni na, a yin fit taan nant mɔtaauk. Barmɔniie setik, ti mɔtaauk ni, ti taant nan ti Baa Yennu nan u Bija Yiisa Masia,

1 Jɔɔnn 1:3 Iomraidhean Croise

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 19:35

Min nba sɔbin gbouŋ nee la ba teen biaŋinba na nan n mɔŋ ninbina, ki teen siara nan li tee mɔniie, ki n mi nan n siara maŋ tee barmɔniie, ki n sɔbin linba tee barmɔnii na a i fit lian teen yada.

Toona 13:32

“Ŋanne te ki ti baar i peŋ na a tin wanni Yennu barŋanii. Tɔn, Yennu nba din senn ti yejamm mɔsonn na, u ji gbeen ki tur timm nba tee bi yaaboona nawa, nan wa din fiin Yisa u kuun ni na. Nnee ki li sɔb Yennu gbouŋ ni, yanii nba tee munnlee na yanii gbouŋ nɔɔk ni, a ŋɔɔ Yennu yetɔ a ‘Fine tee n Bija, ki dinne ki n sa wann niib nan n set tee a Baa.’

Toona 13:41

‘Gotir man, yimm garuk damm na, ŋaant ki lin bakiti; toona nba ki n tuun i yoo na gbaa, sɔɔ-i lekii baar ki beti li po, li tee linba ki i kan mi ki teen yadaie. Li paak, see ki i kpo.’ ”

Toona 2:42

Ki bi ŋammit ki lek tumii ki bant toomiinba maŋ wannu, ki bi jii bi yoo ki taan dia leeb nan mɔtaauk, ki lakint ki di jeet, ki bia tikii mei Yennu.

Toona 20:27

kimaan n ki mi ki fɔrint ki ŋmat poorpo nan ki n mɔɔnt Yennu maan maŋ kur ki wanniini.

Toona 4:20

kimaan timm kan fit ki nyik pinpauk linba po ki ti la ki bia gbati.”

Rom Teeb 15:27

Li tee mɔniie nan bi mɔŋ loomme ki bi turib piinii na. Li ŋan bin turib, kimaan Yennu barŋanii nba nyii Jerusalem niib boor ki baarib na paak. Ŋanne te ki li ŋan nan bin turib piinii maŋ.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

1 Korint teeb 1:9

Yennu-i yaa u sa tun linba, u tuun ŋanne. U yiinie a yimm nan u bik ti Yomdaanɔ Yisa Masia-ii mɔk mɔtaauk nan leeb.

1 Korint teeb 15:1

N naa waas, n loon ki n tiari barŋanii nba ki n din mɔɔnt ki turi, ki i gaar ki diar fanu na poe.

2 Korint teeb 13:14

Ti Yomdaanɔ Yisa Masia sommir, nan Yennu loomm, nan u Seyeeŋ mɔtaauk na-ii be nan i kura.

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Filipi teeb 2:1

Ya be Masia ni biaŋinbae teeni paŋ, ki u loomm maŋŋit i para, ki i mɔk burchint nan ninbatinu i leeb paak, ki mɔk Seyeeŋ weinanleeb,

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Timoti 6:2

Binba ki bi yomdamm tee Masiaweira na daa fiakit bi yomdamm maŋ, ba yib bi naa waas na paak, ŋaan li kpaa talas ki ŋamme-n mantik tun fanu, kimaan bi yomdamm nba gaan bi toona nyɔɔt na teen Masia yada, ki Yennu loonib. I wantib kii kpaamm toona na po.

Hiibru teeb 2:12

U bet Yennu a “N tan sa mɔɔnt a sann n naa waas boor; n tan sa paka bi lakinn ni.”

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

2 Piita 1:16

Ta poŋ din beti nan ti Yomdaanɔ Yisa Masia tee paŋ daanɔe, ki bia tan sa jena, labaar maŋ ki tee faak kaa, li tee barmɔniie. Ti ninbinae din la wa mɔk paŋ biaŋinba.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

1 Jɔɔnn 1:5

Tɔn, barii nba ki ti din gbat ŋɔɔ Yisa Masia boor ni ki mɔɔntir ki teeni na, li tee nnee: Yennu tee yentue, ki bunbɔnn kaa u ni.

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.