1 Jɔɔnn 1:2 - Yennu Gbounpaauŋ Mɔɔr

² ki u din fiit ki ti set lau, ki mɔɔntir li siara ki teeni ki jikit saa manfoor nba kaa gbennu po. Manfoor maŋe din be ti Baa Yennu peŋ, ki ti Baa maŋ jiiu ki fiitɔ ki wannit.

Yennu Gbouŋ Mɔɔr

² ki u din fiit ki ti set lau, ki mɔɔntir li siara ki teeni ki jiin manfoor nba kaa gbennu na po. Manfoor maŋe din be ti Baa Yennu peŋ, ki ti Baa maŋ jiiu ki wannit.

1 Jɔɔnn 1:2 Iomraidhean Croise

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 1:4

ki u nie biak ki manfoor be, ki u jikit ki teen niib, ki li manfoor maŋe tee niib yentu,

Jɔɔnn 10:28

ki n teemm manfoa nba kaa gbennu, ki bi kan mi ki kpo, ki sɔɔ bia kaa ki sa fit fatib n nuu ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 15:27

Ki i mɔŋ mɔŋ sii piak n po ki teen niib, kimaan i poŋ yɔɔ be nanin, la din nyii yoo nba ki n din piin ki tuun n toonn na.

Jɔɔnn 16:28

N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 19:35

Min nba sɔbin gbouŋ nee la ba teen biaŋinba na nan n mɔŋ ninbina, ki teen siara nan li tee mɔniie, ki n mi nan n siara maŋ tee barmɔniie, ki n sɔbin linba tee barmɔnii na a i fit lian teen yada.

Jɔɔnn 21:14

Linba nee din tee taar munntaa ni ki Yisa jii u mɔŋ ki wann u poorpoweiteeb, Yennu nba din fiinɔ kuun ni na poorpo.

Jɔɔnn 3:13

Sɔɔ kaa ki doo Yendɔuŋ ni see min nisaarik Bik nba nyii Yendɔuŋ ni na.”

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 8:38

Ma tuu be n Baa peŋ ki laat linba, ŋanne ki n piak, ŋaan yimm tuun linba ki i baa beti a yii tuun nee.”

Toona 10:41

Ŋaan niib kur kaawa din laatɔ. Li din tee timm nba ki Yennu gannit a tii tee u siara damm nee din laatɔ, ki bia din tuu di ki nyu nanɔ u kuunfiiru poorpo maŋ.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 5:32

Timm nan Yennu Seyeeŋe tee Yisa kuunfiiru maŋ siara damm; ki Yennu jii u Seek maŋ ki tur wunba saak u mɔb.”

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

2 Timoti 1:10

Ŋaan ti Tinntɔɔ Yisa Masia baaru paake ki u fiit wannit li po; ki ŋɔɔ Yisa Masia din biir kuun paŋ, ŋaan bia wannit a ti-i sak u barŋanii maŋ ti sa la manfoor nba kaa gbennu.

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

1 Jɔɔnn 2:25

ki mɔsonn nba ki u senn ki turit na tee a u sa turit manfoor nba kaa gbennu na.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

1 Jɔɔnn 4:2

Wunba kur ki seek piak u ni, ki u yaa a u teen yada a bi din mar Yisa Masia nisaarike, ŋɔɔe mɔk Seek nba nyii Yennu peŋ. Li-i tee ki u yeen nna, ŋanne ki ti sa bann nan li tee Yennu Seyeeŋe.

1 Jɔɔnn 5:11

Yennu siara maŋ tee nnee, a u turit manfoor nba kaa gbennu, ki manfoor maŋ nyi u Bija Yisa nie.

1 Jɔɔnn 5:13

N sɔbin gbouŋ na ki teen yimm nba teen Yennu Bija yada, kimaan n loon ki i bann nan i mɔk manfoor nba kaa gbennu.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.